Супрацоўніца мінскага музея знайшла на выкінутых плёнках унікальныя фота старой Нямігі
Адкрыццё выставы пад адкрытым небам «Успамін пра Нямігу» адбудзецца 6 ліпеня ў 17:00 у Мастацкай галерэі Міхаіла Савіцкага, як паведамляе Музей гісторыі Мінска ў фэйсбуку.
Экспазіцыя прысвечаная вуліцы Нямізе і яе ваколіцам і арганізаваная сумесна з Беларускім дзяржаўным архівам кінафотафонадакументаў і Беларускім дзяржаўным архівам навукова-тэхнічнай дакументацыі.
Ідэя стварэння гэтай выставы з'явілася выпадкова: супрацоўніца музея Яўгенія Стальмахова знайшла каля свайго пад'езда выкінутыя суседзямі фотастужкі.
Гэта быў цэлы сямейны архіў, і, відаць, аўтар фатаграфій працаваў у інстытуце Белпрампраект, бо сярод здымкаў было нямала кадраў, на якіх зафіксаваны нефармальныя будныя дні інжынераў.
Самымі цікавымі былі рэдкія віды старой забудовы вуліцы Нямігі да яе рэканструкцыі, якія таксама захаваліся на фотастужцы.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім13
Каментары
былы інстытут фізкультуры (што ля ЦУМа) увогуле ў акружанні хатак - pervadmin.gov.by/actual/2019/06/13/6205
каштоўныя фота. добра, што не прапалі