Праз мяцеж Прыгожына ўчарашні дзень стаў адным з самых смяротных для расійскіх ПКС
Нягледзячы на тое, што заснавальнік ПВК «Вагнер», абвяшчаючы заканчэнне мяцяжу, заявіў пра бяскроўнасць аперацыі, 24 чэрвеня, імаверна, стаў адным з самых трагічных дзён для ПКС Расіі.
Паводле канала ваенкараў Readovka, ва ўчарашніх боесутыкненнях з ПВК «Вагнер» загінулі 15 расійскіх вайскоўцаў, у асноўным — лётчыкі.
«У момант самай сурʼёзнай эскалацыі быў збіты борт Іл-18, на якім знаходзілася не менш за 8 чалавек. Акрамя таго, сёння быў знішчаны ўдарны верталёт Ка-52 «Алігатар» — экіпаж загінуў у поўным складзе», — сцвярджае прапагандысцкі рэсурс.
Ваенныя аналітыкі Oryx сцвярджаюць, што ПВК «Вагнер» знішчыла як мінімум шэсць верталётаў, адзін самалёт і адзін УАЗ Мінабароны.
ISW піша, што сілы «Вагнера» маглі збіць да трох верталётаў радыёэлектроннай барацьбы Мі-8МТПР, адзін верталёт Мі-8, адзін верталёт Ка-52, адзін верталёт Мі-35, адзін верталёт Мі-28 і адзін транспартны самалёт, што прывяло да гібелі па меншай меры 13 пілотаў і лётчыкаў.
«Гэта адзін з самых смяротных дзён для расійскіх ПКС ад пачатку вайны ва Украіне на сённяшні дзень», — піша ISW.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё17
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары