Кампраміс між Пуціным і Прыгожыным дасягнуты пры пасярэдніцтве Лукашэнкі — яго прэс-служба
Прэс-служба Лукашэнкі паведаміла, што Лукашэнка па дамоўленасці з Пуціным вёў перамовы з Прыгожыным і нібыта дабіўся поспеху.
Паводле прэс-службы Лукашэнкі, калі сёння раніцай прэзідэнт Расіі Уладзімір Пуцін праінфармаваў Лукашэнку пра сітуацыю, яны дамовіліся наконт сумесных дзеянняў.
Пасля таго Лукашэнка выйшаў на сувязь з Яўгенам Прыгожыным. Перамовы доўжыліся ўвесь дзень, і ў выніку бакі «прыйшлі да дамоўленасці аб недапушчальнасці развязвання крывавай бойні на тэрыторыі Расіі».
Яўген Прыгожын нібыта прыняў прапанову Лукашэнкі аб спыненні руху ўзброеных вагнераўцаў на тэрыторыі Расіі і далейшых кроках па дээскалацыі напружання.
«На гэты момант на стале — абсалютна выгадны і прымальны варыянт развязвання сітуацыі, з гарантыямі бяспекі для байцоў ПВК «Вагнер», — сцвярджае Лукашэнкава прэс-служба.
Чытайце таксама:
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай2
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары