На папулярных беларускіх пляцоўках па гандлі нерухомай маёмасцю з'явілася аб'ява аб продажы буйнога гандлёва-забаўляльнага цэнтра «Арэна-сіці» на праспекце Пераможцаў у Мінску. За ГЗЦ просяць $74 млн, але цяперашні ўладальнік гатовы таргавацца, піша Office Life.
Агульная плошча аб'екта — 84 тыс. кв. метраў, сярэдняя цана «квадрата» — $880.
«Аб'явы аб продажы размясцілі 30 мая. Продаж звязаны з тым, што цяперашні ўласнік «Арэны-сіці» (гаворка ідзе пра кампанію «А-сіці») лічыць, што цэнтр мае патрэбу ў свежым поглядзе на арганізацыю гандлёвых плошчаў — магчыма, іх варта аптымізаваць і рэарганізаваць», — патлумачыла Office Life агент па продажы нерухомасці «Сільван-Інвест» Наталля Санчукоўская.
«Цяперашні ўласнік гатовы таргавацца. Гэты аб'ект апошнім часам прапаноўваўся некалькім буйным беларускім бізнэсоўцам — наколькі мне вядома, цікавасць ёсць», — паведаміла агент.
«Арэну-сіці» пабудавала ў 2013 годзе кампанія «Трайпл», заснаваная Юрыем Чыжом.
Але ў 2016-м ГЗЦ перайшоў Белаграпрамбанку, які фінансаваў будоўлю паводле дамовы зваротнага лізінгу. Дэ-юрэ гандлёвы цэнтр стаў уласнасцю банка, але кіравала ім падкантрольная сям'і Чыжа кампанія «Прастор-Трэйд».
У сярэдзіне 2019 года Белаграпрамбанк змяніў лізінгаатрымальніка і ГЗЦ перайшоў пад кіраванне кампаніі «Парагіс» (тады ProStore змяніўся на Green, прыйшлі новыя арандатары).
У сакавіку 2022-га ў «Арэна-сіці» зноў змянілася кіроўная кампанія: Белаграпрамбанк перадаў ГЗЦ у давернае кіраванне «А-сіці», заснаванай лізінгавай кампаніяй самога банка — «Агралізінг».
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары