Польшча дабіваецца, каб у новы санкцыйны пакет ЕС уключылі забарону на рэгістрацыю транспартных фірмаў з Беларусі і Расіі
Польшча дамагаецца ўключэння ў 11-ы пакет санкцый Еўрасаюза забароны рэгістрацыі ў краіне фірмаў з Беларусі і Расіі. Пра гэта заявіў міністр інфраструктуры краіны Анджэй Адамчык.
«Адносна нядаўна, перад майскімі святамі, прэм'ер-міністр Матэвуш Маравецкі звярнуўся да Еўрапейскай камісіі з прапановай уключэння ў 11-ы пакет санкцый расійскіх і беларускіх аўтамабільных прычэпаў, а таксама забарону рэгістрацыі ў Польшчы фірмаў з расійскім і беларускім капіталам», — сказаў міністр.
Так чыноўнік пракаментаваў страйк польскіх транспартнікаў, які пачаўся 9 мая, а дальнабойнікі сталі блакаваць пункт пропуску ў Кукурыках — апошні на беларуска-польскай мяжы, які працуе для фур. Такім чынам яны хочуць выказаць сваю нязгоду з «захопам рынку аўтамабільных грузаперавозак на ўсход беларускімі і расійскімі кампаніямі».
Дальнабойнікі патрабуюць забараніць уезд у Польшчу паўпрычэпам з беларускай і расійскай рэгістрацыяй, прыпыніць дзейнасць кампаній з дзвюх краін пад польскім прыкрыццём і абмежаваць ільготы для ўкраінскіх перавозчыкаў.
Цяпер чытаюць
Хто забараняе ў Беларусі кнігі — вось гэтыя 22 чалавекі14
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары