«У найлепшым выпадку ён проста ідыёт». Белы дом — пра пілота РФ, які ўрэзаўся ў беспілотнік і якога ўзнагародзіў Шайгу
Каардынатар Рады нацыянальнай бяспекі ЗША Джон Кірбі пракаментаваў узнагароджанне ў Расіі пілота, чый самалёт сутыкнуўся з амерыканскім беспілотнікам над Чорным морам.
«Я не ведаю ніводнай іншай арміі ў свеце, якой-небудзь іншай авіяцыі, якая б узнагароджвала пілота за тое, што ён урэзаўся ў беспілотнік. Калі гэта адвага, то, відаць, у іх іншае разуменне», — адзначыў ён.
Прадстаўнік Белага дома назваў такую ўзнагароду глупствам. «Мы не ведаем, спрабаваў гэты пілот збіць беспілотнік наўмысна ці не, але ён гэта зрабіў, і відэадоказы былі даволі пераканаўчымі», — сказаў Кірбі.
Ён нагадаў, што ў ЗША пілотаў не заахвочваюць уразацца ў якія-небудзь перашкоды.
«Я не разумею, чаму яны прысудзілі ўзнагароду за адвагу лётчыку, які, у найгоршым выпадку, зламысна падвяргаў сябе і амерыканскую ўласнасць вялікай рызыцы, а ў найлепшым — проста ідыёт», — дадаў прадстаўнік адміністрацыі Байдэна.
Міністр абароны РФ Сяргей Шайгу 22 сакавіка ўзнагародзіў ордэнамі Мужнасці лётчыкаў самалётаў Су-27, якія, па версіі РФ, перашкодзілі дрону MQ-9 парушыць «межы раёна часовага рэжыму выкарыстання паветранай прасторы», усталяванага пасля пачатку вайны.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне20
Каментары
А ИЗУВЕРСКИЕ МЕТОДЫ лукашенки и его Карателей?!
Вот и МОЛЧИТЕ лучше вы о своих "белых домах" - "исполкомах"!!!
Причём,у обоих.