Еўрапейскае камандаванне ВПС ЗША сёння заявіла, што праз «безразважныя і некампетэнтныя» дзеянні экіпажа расійскага самалёта Су-27 над Чорным морам над міжнароднымі водамі быў збіты разведвальны беспілотны апарат ВПС ЗША MQ-9 Reaper.
У заяве камандавання сказана, што сёння ў 7:03 па сярэднееўрапейскім часе два расійскія самалёты Су-27 здзейснілі «небяспечны і непрафесійны» перахоп дрона.
Адзін з расійскіх самалётаў, гаворыцца ў заяве, ударыў па вінце MQ-9, у выніку чаго амерыканскім сілам давялося збіць дрон.
«Наш самалёт MQ-9 выконваў звычайныя аперацыі ў міжнароднай паветранай прасторы, калі ён быў перахоплены і збіты расійскім самалётам, што прывяло да падзення і поўнай страты MQ-9, — сказаў камандуючы ВПС ЗША генерал Джэймс Хекер. — Гэтае небяспечнае і непрафесійнае дзеянне расіян ледзь не прывяло да падзення абодвух самалётаў».
Хекер дадаў, што самалёты ЗША і саюзнікаў працягнуць здзяйсняць палёты ў міжнароднай паветранай прасторы — у адпаведнасці з міжнароднымі законамі. «Агрэсіўныя дзеянні» расійскага экіпажа «небяспечныя і могуць прывесці да праліку і ненаўмыснай эскалацыі», падкрэсліў генерал.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары