Навука і тэхналогіі77

Адзін укол — і п'яныя мышы хутка цверазеюць

Здаецца, група навукоўцаў на шляху да распрацоўкі эфектыўнага сродку супраць ап’янення, які можна будзе выкарыстоўваць для лекавання алкагольных атручэнняў людзей.

Выява: pixabay

У ходзе даследавання навукоўцы з University of Texas Southwestern Medical Center змаглі хутка працверазіць п'яных мышэй, падвысіўшы ў іх узровень гармону FGF21, які выпрацоўваецца ў арганізме натуральным шляхам. Неабходна правесці дадатковыя даследаванні, але каманда лічыць, што калі-небудзь FGF21 можна будзе выкарыстоўваць для лячэння вострых эпізодаў атручэння алкаголем.

Гармон FGF21 некалькі гадоў вывучаўся даследчыкамі ў якасці патэнцыйнай абароны ад дзеяння алкаголю. Ён выпрацоўваецца ў печані і дапамагае нам перапрацоўваць некаторыя прадукты (так, і выпіўку ў тым ліку). Даследаванні паказалі, што алкаголь, магчыма, найбольш спрыяе выдзяленню FGF21 як у мышэй, так і ў людзей. Да таго ж яго выпрацоўванне павялічвае смагу ў мышэй падчас алкагольнага ап'янення, што дапамагае прадухіліць абязводжванне арганізма, выкліканае алкаголем.

У сваім даследаванні каманда параўноўвала мышэй, у арганізме якіх адсутнічала здольнасць выпрацоўваць FGF21, са звычайнымі мышамі пасля адной дозы алкаголю. Даследчыкі таксама хацелі паглядзець, што адбудзецца, калі яны зробяць звычайным мышам (у стане алкагольнага ап'янення) дадатковы ўкол FGF21. Цікава, што пад ап’яненнем тут разумелася страта «выпраўленчага рэфлексу», г. зн. здольнасці мышы вярнуцца ў нармальнае становішча пасля таго, як яе паклалі на спіну.

Мышы абедзвюх груп расшчаплялі алкаголь з аднолькавай хуткасцю, але мышы без FGF21 заставаліся п'янымі даўжэй, чым звычайныя мышы. А калі даследчыкі ўвялі мышам дадатковую дозу FGF21, тыя працверазелі ў сярэднім на паўтары гадзіны хутчэй, чым п'яныя мышы кантрольнай групы.

Праца каманды таксама паказвае, што выцверажальнае дзеянне FGF21 адбываецца ад таго, як ён актывуе ўчастак мозга, вядомы як норадрэнергічная нервовая сістэма. Норадрэнергічныя нейроны ў галаўным мозгу ўтвараюць нейрамедыятарную сістэму, якая пры актывацыі павышае ўважлівасць, узбуджэнне і гатоўнасць да дзеяння.

Навукоўцы выявілі, што печань не толькі ўдзельнічае ў метабалізме алкаголю, але і дасылае гарманальны сігнал у мозг, каб абараніць яго ад шкодных наступстваў інтаксікацыі, у тым ліку ад страты прытомнасці і парушэння каардынацыі, распавядае Gizmodo.

Вядома, гэтыя высновы зроблены на аснове эксперымента на мышах, таму магчыма, што дадатковае ўвядзенне FGF21 п'яным людзям не прынясе падобнай карысці. Далей каманда плануе высветліць дакладныя шляхі ў мозгу, якія актывуе FGF21. Калі дадатковыя даследаванні пацвердзяць вынікі эксперымента на людзях, то FGF21 цалкам можа стаць хуткадзейным метадам лячэння алкагольнай інтаксікацыі, якая пагражае жыццю.

Каментары7

  • плохая невестка
    12.03.2023
    вштырить бы что-нибудь подобное одному известному местному доценту, который любил проводить эксперименты на людях
  • Жвір
    12.03.2023
    На фотцы гэта ж журка ?! А яны ня п'юць, зусім.
  • Грышка
    12.03.2023
    Бедны мыш! У яго была цяжкая ноч. :-)

Цяпер чытаюць

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца10

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца

Усе навіны →
Усе навіны

Гайдукевіч параіў выкладваць у тыкток «не дупу»15

Беларуска падзялілася ўражаннямі ад аўтобуснага тура ў Дагестан — 32 гадзіны да першага начлега2

Ахматавец у Курскай вобласці расстраляў краму з гранатамёта. Z-каналы заклікалі пакараць яго, але позна2

Новы фільм з «дзіцём Беларусі». Як «Балерына» працягвае справу Джона Уіка7

У жанчыны ў Германіі нарадзіўся 100-ы праўнук

У Беларусі крытычна падае нараджальнасць. А як у суседніх краінах?16

Расіяне нанеслі масіраваны ўдар па Кіеве і Адэсе1

Актрыса Ганна Хітрык паведаміла, што рак вярнуўся6

Чаму ў сярэднім узросце наша талія павялічваецца? Прычына нечаканая1

больш чытаных навін
больш лайканых навін

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца10

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца

Галоўнае
Усе навіны →

Заўвага:

 

 

 

 

Закрыць Паведаміць