Navuka i technałohii77

Adzin ukoł — i pjanyja myšy chutka ćvieraziejuć

Zdajecca, hrupa navukoŭcaŭ na šlachu da raspracoŭki efiektyŭnaha srodku suprać apjanieńnia, jaki možna budzie vykarystoŭvać dla lekavańnia ałkaholnych atručeńniaŭ ludziej.

Vyjava: pixabay

U chodzie daśledavańnia navukoŭcy z University of Texas Southwestern Medical Center zmahli chutka praćvierazić pjanych myšej, padvysiŭšy ŭ ich uzrovień harmonu FGF21, jaki vypracoŭvajecca ŭ arhaniźmie naturalnym šlacham. Nieabchodna pravieści dadatkovyja daśledavańni, ale kamanda ličyć, što kali-niebudź FGF21 možna budzie vykarystoŭvać dla lačeńnia vostrych epizodaŭ atručeńnia ałkaholem.

Harmon FGF21 niekalki hadoŭ vyvučaŭsia daśledčykami ŭ jakaści patencyjnaj abarony ad dziejańnia ałkaholu. Jon vypracoŭvajecca ŭ piečani i dapamahaje nam pierapracoŭvać niekatoryja pradukty (tak, i vypiŭku ŭ tym liku). Daśledavańni pakazali, što ałkahol, mahčyma, najbolš spryjaje vydzialeńniu FGF21 jak u myšej, tak i ŭ ludziej. Da taho ž jaho vypracoŭvańnie pavialičvaje smahu ŭ myšej padčas ałkaholnaha apjanieńnia, što dapamahaje praduchilić abiazvodžvańnie arhanizma, vyklikanaje ałkaholem.

U svaim daśledavańni kamanda paraŭnoŭvała myšej, u arhaniźmie jakich adsutničała zdolnaść vypracoŭvać FGF21, sa zvyčajnymi myšami paśla adnoj dozy ałkaholu. Daśledčyki taksama chacieli pahladzieć, što adbudziecca, kali jany zrobiać zvyčajnym myšam (u stanie ałkaholnaha apjanieńnia) dadatkovy ŭkoł FGF21. Cikava, što pad apjanieńniem tut razumiełasia strata «vypraŭlenčaha refleksu», h. zn. zdolnaści myšy viarnucca ŭ narmalnaje stanovišča paśla taho, jak jaje pakłali na śpinu.

Myšy abiedźviuch hrup rasščaplali ałkahol z adnolkavaj chutkaściu, ale myšy biez FGF21 zastavalisia pjanymi daŭžej, čym zvyčajnyja myšy. A kali daśledčyki ŭviali myšam dadatkovuju dozu FGF21, tyja praćvierazieli ŭ siarednim na paŭtary hadziny chutčej, čym pjanyja myšy kantrolnaj hrupy.

Praca kamandy taksama pakazvaje, što vyćvieražalnaje dziejańnie FGF21 adbyvajecca ad taho, jak jon aktyvuje ŭčastak mozha, viadomy jak noradrenierhičnaja niervovaja sistema. Noradrenierhičnyja niejrony ŭ hałaŭnym mozhu ŭtvarajuć niejramiedyjatarnuju sistemu, jakaja pry aktyvacyi pavyšaje ŭvažlivaść, uzbudžeńnie i hatoŭnaść da dziejańnia.

Navukoŭcy vyjavili, što piečań nie tolki ŭdzielničaje ŭ mietabaliźmie ałkaholu, ale i dasyłaje harmanalny sihnał u mozh, kab abaranić jaho ad škodnych nastupstvaŭ intaksikacyi, u tym liku ad straty prytomnaści i parušeńnia kaardynacyi, raspaviadaje Gizmodo.

Viadoma, hetyja vysnovy zrobleny na asnovie ekśpierymienta na myšach, tamu mahčyma, što dadatkovaje ŭviadzieńnie FGF21 pjanym ludziam nie pryniasie padobnaj karyści. Dalej kamanda płanuje vyśvietlić dakładnyja šlachi ŭ mozhu, jakija aktyvuje FGF21. Kali dadatkovyja daśledavańni paćvierdziać vyniki ekśpierymienta na ludziach, to FGF21 całkam moža stać chutkadziejnym mietadam lačeńnia ałkaholnaj intaksikacyi, jakaja pahražaje žyćciu.

Kamientary7

  • płochaja nieviestka
    12.03.2023
    vštyriť by čto-nibud́ podobnoje odnomu iźviestnomu miestnomu docientu, kotoryj lubił provodiť ekśpierimienty na ludiach
  • Žvir
    12.03.2023
    Na fotcy heta ž žurka ?! A jany nia pjuć, zusim.
  • Hryška
    12.03.2023
    Biedny myš! U jaho była ciažkaja noč. :-)

Ciapier čytajuć

Pad novyja sankcyi ES trapili biełaruskija banki. Što źmienicca na praktycy?6

Pad novyja sankcyi ES trapili biełaruskija banki. Što źmienicca na praktycy?

Usie naviny →
Usie naviny

Dźvie trahiedyi ŭ adnoj siamji. Rodnaja babula i susiedzi pra źnikłuju ŭ Mjanmie Vieru Kraŭcovu i niaščaście, što zdaryłasia čatyry hady tamu8

Miadźviedzieŭ pra Trampa: Havarki miratvorac ciapier paŭnavartasna staŭ na ściežku vajny z Rasijaj18

U Minsku skłali rejtynh samych darahich i tannych vulic. Roźnica ŭ canie značnaja4

ES źbirajecca zabaranić etanoł u antysieptykach dla ruk3

Haryć paśla ŭdaru Razanski naftapierapracoŭčy zavod — adzin z najbujniejšych u Rasii4

Za 12 hadoŭ kolkaść biełaruskich studentaŭ u Polščy vyrasła ŭ čatyry razy, u Rasii skaraciłasia ŭtraja5

Kiroŭca chutkaj ź Dziaržynska paskardziŭsia na nizki zarobak. U «Minabłsantransie» paraili bolš pracavać nočču8

Rabočaha ź Mikaševičaŭ asudzili pa čatyroch palityčnych artykułach i nazvali «terarystam»1

Tramp zajaviŭ, što treba paŭhoda, kab navučycca vykarystoŭvać rakiety «Tamahaŭk», ale ZŠA nie buduć vučyć hetamu inšych13

bolš čytanych navin
bolš łajkanych navin

Pad novyja sankcyi ES trapili biełaruskija banki. Što źmienicca na praktycy?6

Pad novyja sankcyi ES trapili biełaruskija banki. Što źmienicca na praktycy?

Hałoŭnaje
Usie naviny →

Zaŭvaha:

 

 

 

 

Zakryć Paviedamić