Байдэн — паслу Украіны: Мы будзем стаяць з вамі столькі, колькі спатрэбіцца
Прэзідэнт ЗША Джо Байдэн падчас штогадовага паслання да Кангрэса звярнуўся да пасла Украіны Аксаны Макаравай, якая знаходзілася ў зале, папрасіў яе ўстаць, а астатніх прысутных павітаць яе апладысментамі.
Джо Байдэн з Уладзімірам Зяленскім у Белым доме ў снежні 2022 года. AP Photo/Patrick Semansky
«Мы аб'ядналі НАТА і сабралі глабальную кааліцыю. Мы выступілі супраць агрэсіі Пуціна. Мы ўсталі побач з украінскім народам. І сёння з намі зноў амбасадар Украіны ў Злучаных Штатах. Яна прадстаўляе не проста сваю нацыю, а мужнасць свайго народа. Пасол, Амерыка адзіная ў падтрымцы вашай краіны. Мы будзем стаяць з вамі столькі, колькі спатрэбіцца», — сказаў прэзідэнт.
Тэме вайны ва Украіне ў прамове Байдэна было прысвечана ўсяго некалькі фраз, да моманту гэтай сцэны з паслом ён прамаўляў ужо не менш за гадзіну.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары