Іранскія ўлады арыштавалі адну з самых вядомых у краіне актрыс, пасля таго як яна выказала падтрымку пратэстоўцам. Ёй былі выстаўленыя абвінавачванні ў «распаўсюдзе хлусні» аб пратэстах, якія ахапілі краіну, піша «Бі-бі-сі».
Актрыса Таранэ Алідусці адкрыта крытыкавала спробы іранскага ўрада здушыць беспарадкі, а ў лістападзе апублікавала ў інстаграме сваю фатаграфію без хіджаба ў знак салідарнасці з пратэстоўцамі. На мінулым тыдні яна апублікавала ў інстаграме пост, у якім асудзіла пакаранне смерцю ўдзельніка антыўрадавых дэманстрацый.
У сваёй публікацыі 38-гадовая жанчына раскрытыкавала міжнародныя арганізацыі за тое, што яны не перашкодзілі пакаранню Махсена Шэкары. 8 снежня яго павесілі, абвінаваціўшы ў нападзе на чальца праўрадавай паўваеннай групоўкі Басідж, а таксама ў перашкодзе руху на адной з вуліц Тэгерана.
«Яго звалі Махсен Шэкары. Кожная міжнародная арганізацыя, якая сочыць за гэтым кровапраліццем і не прымае ніякіх дзеянняў, — ганьба для чалавецтва», — напісала яна.
Паводле публікацыі дзяржаўнага інфармагенцтва IRNA, актрыса была арыштаваная паліцыяй, бо не змагла даць ніякіх «дакументаў, якія пацвярджаюць яе сцвярджэнні».
Акаўнт актрысы, на які падпісана больш за 8 млн чалавек, нядаўна быў выдалены.
38-гадовая Таранэ Алідусці — адна з найбольш паспяховых іранскіх актрыс. Яна выканала адну з галоўных роляў у фільме «Коміваяжор», які атрымаў у 2016 годзе прэмію «Оскар» як найлепшая стужка на замежнай мове.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»2
Каментары