U Iranie aryštavali viadomuju aktrysu, jakaja padtrymała pratestoŭcaŭ
Iranskija ŭłady aryštavali adnu z samych viadomych u krainie aktrys, paśla taho jak jana vykazała padtrymku pratestoŭcam. Joj byli vystaŭlenyja abvinavačvańni ŭ «raspaŭsiudzie chłuśni» ab pratestach, jakija achapili krainu, piša «Bi-bi-si».
Aktrysa Tarane Aliduści adkryta krytykavała sproby iranskaha ŭrada zdušyć biesparadki, a ŭ listapadzie apublikavała ŭ instahramie svaju fatahrafiju biez chidžaba ŭ znak salidarnaści z pratestoŭcami. Na minułym tydni jana apublikavała ŭ instahramie post, u jakim asudziła pakarańnie śmierciu ŭdzielnika antyŭradavych demanstracyj.
U svajoj publikacyi 38-hadovaja žančyna raskrytykavała mižnarodnyja arhanizacyi za toje, što jany nie pieraškodzili pakarańniu Machsiena Šekary. 8 śniežnia jaho paviesili, abvinavaciŭšy ŭ napadzie na čalca praŭradavaj paŭvajennaj hrupoŭki Basidž, a taksama ŭ pieraškodzie ruchu na adnoj z vulic Tehierana.
«Jaho zvali Machsien Šekary. Kožnaja mižnarodnaja arhanizacyja, jakaja sočyć za hetym krovapralićciem i nie prymaje nijakich dziejańniaŭ, — hańba dla čałaviectva», — napisała jana.
Pavodle publikacyi dziaržaŭnaha infarmahienctva IRNA, aktrysa była aryštavanaja palicyjaj, bo nie zmahła dać nijakich «dakumientaŭ, jakija paćviardžajuć jaje śćviardžeńni».
Akaŭnt aktrysy, na jaki padpisana bolš za 8 młn čałaviek, niadaŭna byŭ vydaleny.
38-hadovaja Tarane Aliduści — adna z najbolš paśpiachovych iranskich aktrys. Jana vykanała adnu z hałoŭnych rolaŭ u filmie «Komivajažor», jaki atrymaŭ u 2016 hodzie premiju «Oskar» jak najlepšaja stužka na zamiežnaj movie.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary