Муратаў: У мяне ёсць свая сацыялогія — раз на тыдзень заходжу на барахолку і гляджу, колькі каштуюць майкі з атрыбутыкай Z
Галоўны рэдактар расійскай «Новой Газеты», нобелеўскі лаўрэат Дзмітрый Муратаў распавёў пра сваю «даматканую» сацыялогію, піша «Салідарнасць».
— У мяне ёсць свая дамарослая сацыялогія, — кажа ў інтэрв'ю каналу «Солодников» Муратаў. — Раз на тыдзень я залажу на барахолку Ozon і гляджу, колькі каштуюць майкі з атрыбутыкай Z, V і іншае.
На мінулым тыдні цана ўпала яшчэ на 8%, і цяпер скідкі на гэтыя вырабы дасягнулі 68-78%. Гэта значыць, за некалькі месяцаў папулярнасць і кошт вайны, яе каштоўнасць у вачах людзей знізілася на тры чвэрці.
Медыяменеджар са шкадаваннем канстатуе, што пакуль у Расіі пануе прапаганда, дзяржава імкнецца знішчыць медыя, незалежныя ад дзяржавы. І прыводзіць наступную статыстыку:
— Усяго, па даных Генпракуратуры, заблакавана 138 тысяч сайтаў. З іх 7 тысяч — па цэнзурных меркаваннях. Знішчаныя дзясяткі незалежных СМІ і расследавальніцкіх стартапаў, многія прызнаныя іншаагентамі і непажаданымі, а 12 чалавек сядзяць.
Разгром прэсы, ці медыйны генацыд, завершаны. А навошта было так баяцца, калі план добры, а ідэя правільная?
— Не, было зразумела, што народ трэба пакінуць сам-насам з прапагандай. І ў гэтым гіганцкая віна дзяржавы. Гэта сталая радыяцыя прапаганды, злосці і агрэсіі на людзей, якія прывыклі верыць іконе — тэлевізару.
Тэлевізар — гэта новая ікона. Прапаганда — гэта новая рэлігія, а Пуцін — новы бог. На паслядоўнікаў гэтай секты выкідваецца вялізная колькасць прапаганды.
А прапаганда з'яўляецца галоўнай індустрыяй расійскай прамысловасці.
-
Чалавекам, якога ўчора застрэлілі ля рэзідэнцыі Трампа ў Фларыдзе, аказаўся хлопец, які захапляўся маляваннем палёў для гольфа
-
Кім Чэн Ына пераабралі на пасаду генеральнага сакратара Працоўнай партыі КНДР
-
У Мексіцы вайскоўцы забілі галоўнага наркабарона. У адказ яго хаўруснікі паляць самалёты і аўтобусы
Цяпер чытаюць
Беларуска адначасова мела два грамадзянствы — але даведалася пра гэта толькі ў 21 год. Як так выйшла?7
Каментары