Завод газетнай паперы ў Шклове засвоіў выпуск новай прадукцыі. Цяпер тут вырабляюць тонкую афсетную паперу, паведамляе канцэрн «Беллеспаперпрам».
Для выпуску новага прадукту задзейнічалі першую папераробную машыну завода. Раней яна спецыялізавалася на газетнай паперы. Рабілі яе з тэрмамеханічнай масы, якую атрымлівалі пасля перапрацоўкі хвойнай балансавай драўніны.
Па словах дырэктара прадпрыемства Юрыя Лукі, пасля дапрацоўкі тэхналагічнай схемы вытворчасці і частковай мадэрнізацыі дапаможнага абсталявання на заводзе змаглі арганізаваць выпуск тонкай афсетнай паперы шчыльнасцю 40 г/кв.м. Сыравінай для яе стала сульфатная беленая цэлюлоза, якую ў дастатковай колькасці пастаўляе Светлагорскі цэлюлозна-кардонны камбінат. Такая папера выкарыстоўваецца для кніг, сшыткаў і паперы для плотараў.
На прадпрыемстве сцвярджаюць, што прадукцыя настолькі запатрабаваная, што частку паперы яны гатовыя адправіць і на экспарт.
Каментары