Інфармацыя пра старшыню праўлення «Белінвестбанка» Андрэя Брышцелева знікла з сайта Нацыянальнага банка, заўважылі журналісты Zerkalo.io. Цяпер як такі на гэтым сайце ніхто не фігуруе, а так бывае тады, калі афіцыйнага кіраўніка ў банка проста на дадзены момант няма.
Як адзначае выданне, яшчэ 13 мая звесткі пра кіраўніка «Белінвестбанка» на сайце прысутнічалі.
У канцы красавіка з'явілася інфармацыя, што Брышцелеў нібыта затрыманы за хабар.
Андрэй Брышцелеў займаў пасаду старшыні праўлення ААТ «Белінвестбанк» з лютага 2017 года. Да гэтага ён быў членам праўлення Нацбанка РБ і старшынёй праўлення ААТ «Парытэтбанк».
Дарэчы, на сайце Нацбанка цяпер адсутнічае інфармацыя пра кіраўнікоў яшчэ чатырох камерцыйных банкаў — «Статусбанк», «БНБ Банк», «Белгазпрамбанк» і «Парытэтбанк».
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары