Кампанія TeamViewer, распрацоўшчык праграмнага забеспячэння для аддаленага доступу, сыходзіць з Беларусі і Расіі.
У заяве кампаніі гэты крок тлумачыцца вайной супраць Украіны, якую развязала Расія. «Мы глыбока ўзрушаныя жахлівым нападам Расіі на Украіну. TeamViewer падтрымлівае ўніверсальныя каштоўнасці свабоды і дэмакратыі, і мы асуджаем любыя формы гвалту і агрэсіі», — гаворыцца ў заяве.
TeamViewer спыніць сваю дзейнасць у Беларусі і Расіі, а таксама адмовіцца ад кантрактаў з кліентамі з гэтых краін. Дзеючыя падпіскі будуць выконвацца да заканчэння кантракту, але не будуць працягвацца. Усе неліцэнзійныя злучэнні з Расіі і Беларусі будуць заблакаваныя.
Кампанія бясплатна прапануе свае прадукты для карыстальнікаў з Украіны і ахвяруе больш за 750 000 еўра Чырвонаму Крыжу для аказання гуманітарнай дапамогі.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары