«Змрочнаму» амерыканцу зладзілі на працы вечарыну, якой ён не хацеў. Гэта каштавала працадаўцы 450 тысяч даляраў
Супрацоўнік медыцынскай лабараторыі ў ЗША выйграў у судзе справу коштам у 450 тысяч даляраў. Гэта здарылася пасля таго, як калегі зладзілі яму вечарыну-сюрпрыз, што выклікала ў героя нервовы зрыў, да таго ж яго звольнілі з працы.
Кевін Берлінг працаваў у лабараторыі Gravity Diagnostics у амерыканскім штаце Кентукі. Праз 10 месяцаў працы ён звярнуўся да свайго кіраўніка з просьбай не ладзіць вечарыну-сюрпрыз на яго дзень нараджэння. Вечарыны, пра адну з якіх ідзе гаворка, вы маглі бачыць у кіно — гэта свята, якое рыхтуюць таемна ад самога віноўніка ўрачыстасці.
Калегі Берлінга праігнаравалі яго просьбу абысціся без вечарыны і зладзілі святкаванне. Яны нават падрыхтавалі адпаведны плакат, які размясцілі ў пакоі для персаналу, піша The Times.
Самога Берлінга вечарына не ўсцешыла. Калі Кевін даведаўся пра яе, ён сышоў з працы. Згодна з матэрыяламі справы, ён даеў свой абед у машыне, а потым напісаў паведамленне свайму кіраўніку, у якім паскардзіўся на сітуацыю з вечарынай.
У наступны дзень Берлінг сустрэўся з двума менеджарамі, якія пачалі яго папракаць за «змрочныя паводзіны», у іх прысутнасці у Кевіна здарылася панічная атака. Праз некалькі дзён яго звольнілі з працы — як паведамляецца ў справе, за «падзеі мінулага тыдня». Берлінг пайшоў у суд.
Пасля працэсу, што доўжыўся два дні, прысяжныя вынеслі прысуд на карысць Кевіна.
Цяпер былы працадаўца павінен выплаціць яму 150 тысяч даляраў за згубленую пры звальненні зарплату і бонусы і яшчэ 300 тысяч даляраў за маральную шкоду.
Gravity Diagnostics збіраецца аспрэчыць вердыкт у судзе. Джулі Бразіл, сузаснавальніца кампаніі, увогуле сцвярджае, што Берлінга насамрэч звольнілі за парушэнне правіл па перадухіленні гвалту на працоўным месцы. Але адвакат Берлінга лічыць, што яго кліент насамрэч не ўяўляў ніякай пагрозы для калег, а яго кіраўнікі проста дазволілі сабе лішнія дапушчэнні ў бок супрацоўніка з псіхалагічнымі праблемамі.
«Наша Ніва» аднаўляе збор данатаў — падтрымаць проста
Чытайце таксама:
Ад Саладухі да Каржа. Што беларускія селебрыці посцяць падчас вайны і як пра яе выказваюцца
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары