З дакумента, які трапіў у сеціва, вынікае, што з-за недахопу жывой сілы для папаўнення шэрагаў расійскай арміі кіраўніцтва Крамля разглядае магчымасць прыцягнення да баявых дзеянняў непаўналетніх грамадзян РФ.
Украінская разведка паведамляе, што адпаведны загад «Аб арганізацыі прыцягнення членаў ваенна-патрыятычнага грамадскага руху «Юнармія» да правядзення спецыяльнай аперацыі на тэрыторыі Украіны» падпісаны міністрам абароны РФ Шайгу.
У загадзе гаворыцца аб падрыхтоўцы справаздачы пра патэнцыйны чалавечы рэзерв ва ўзросце 17-18 гадоў для прыцягнення да баявых дзеянняў у складзе расійскай арміі. Вышэйшае ваеннае кіраўніцтва РФ павінна даць прапановы па правядзенні падрыхтоўкі названага асабовага складу ў самыя кароткія тэрміны. Кантроль за выкананнем загаду ўскладзены на начальніка галоўнага ваенна-палітычнага ўпраўлення ВС РФ Генадзя Жыдка.
«Юнармія» — расійская дзіцяча-юнацкая мілітарная арганізацыя пры Міністэрстве абароны РФ. Членамі арганізацыі становяцца дзеці з 8 гадоў.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары