Saltimbocca alla romana — гэта традыцыйная страва рымскай кухні, вельмі простая ў прыгатаванні. Назва «сальтымбока» перакладаецца з італьянскай мовы як «скокні ў рот!», страву рэкамендуюць есці максімальна гарачай. Звычайна для сальтымбокі выкарыстоўваюць цяляціну, але ў нашым рэцэпце яна робіцца з больш традыцыйнай для беларусаў свініны.
Фота: BBC Food
Каб зрабіць сальтымбоку ала рамана, вам спатрэбіцца:
- 200 грамаў свінога філе, нарэзанага на 6 кавалкаў,
- 6 лісткоў шалфею (можна замяніць на базілік, мяту або мелісу),
- 6 кавалкаў вяндліны прашута (іншай падобнай вяндліны),
- 25 грамаў мукі,
- чайная лыжка аліўкавага алею,
- соль і чорны перац.
Для гарніру падрыхтуйце:
- зубок часнаку (трэба яго растаўчы),
- 150 грамаў таматаў чэры (разрэжце іх напалам),
- 200 грамаў зялёнай струкавой фасолі (можаце ўзяць замарожаную),
- 50 мілілітраў белага віна.
- Раскладзіце кожны кавалак філе на кухоннай дошцы і адбівайце яго малатком для мяса, пакуль яно не набудзе таўшчыню 5 мм.
- Пакладзіце зверху на кожны кавалак філе лісток шалфею, прыпраўце соллю і перцам, завярніце ў вяндліну.
- Насыпце муку ў шырокую талерку. Кладзіце туды па чарзе мясныя загатоўкі і абсыпайце іх мукой, але прыбірайце лішкі.
- Разагрэйце вялікую патэльню на сярэднім агні, дадайце алей. Смажце кожную з мясных загатовак 2-4 хвіліны на кожным баку, ці пакуль мяса не прапячэцца і вяндліна не стане хрусткай. Прыбярыце мяса з патэльні.
- Змясціце ў патэльню часнок, дадайце таматы чэры, фасолю і віно. Тушыце сумесь 4-5 хвілін, ці пакуль фасоля не стане мяккай. Падавайце мяса разам з гароднінай.
Рэцэпт на выхадныя: тры стравы з авакада
Рэцэпт на выходныя: пастухоў пірог
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары