Saltimbocca alla romana — heta tradycyjnaja strava rymskaj kuchni, vielmi prostaja ŭ pryhatavańni. Nazva «saltymboka» pierakładajecca ź italjanskaj movy jak «skokni ŭ rot!», stravu rekamiendujuć jeści maksimalna haračaj. Zvyčajna dla saltymboki vykarystoŭvajuć cialacinu, ale ŭ našym recepcie jana robicca z bolš tradycyjnaj dla biełarusaŭ śvininy.
Fota: BBC Food
Kab zrabić saltymboku ała ramana, vam spatrebicca:
- 200 hramaŭ śvinoha file, narezanaha na 6 kavałkaŭ,
- 6 listkoŭ šałfieju (možna zamianić na bazilik, miatu abo mielisu),
- 6 kavałkaŭ viandliny prašuta (inšaj padobnaj viandliny),
- 25 hramaŭ muki,
- čajnaja łyžka aliŭkavaha aleju,
- sol i čorny pierac.
Dla harniru padrychtujcie:
- zubok časnaku (treba jaho rastaŭčy),
- 150 hramaŭ tamataŭ čery (razrežcie ich napałam),
- 200 hramaŭ zialonaj strukavoj fasoli (možacie ŭziać zamarožanuju),
- 50 mililitraŭ biełaha vina.
- Raskładzicie kožny kavałak file na kuchonnaj došcy i adbivajcie jaho małatkom dla miasa, pakul jano nie nabudzie taŭščyniu 5 mm.
- Pakładzicie źvierchu na kožny kavałak file listok šałfieju, prypraŭcie sollu i piercam, zaviarnicie ŭ viandlinu.
- Nasypcie muku ŭ šyrokuju talerku. Kładzicie tudy pa čarzie miasnyja zahatoŭki i absypajcie ich mukoj, ale prybirajcie liški.
- Razahrejcie vialikuju patelniu na siarednim ahni, dadajcie alej. Smažcie kožnuju ź miasnych zahatovak 2-4 chviliny na kožnym baku, ci pakul miasa nie prapiačecca i viandlina nie stanie chrustkaj. Prybiarycie miasa z patelni.
- Źmiaścicie ŭ patelniu časnok, dadajcie tamaty čery, fasolu i vino. Tušycie sumieś 4-5 chvilin, ci pakul fasola nie stanie miakkaj. Padavajcie miasa razam z harodninaj.
Recept na vychadnyja: try stravy z avakada
Recept na vychodnyja: pastuchoŭ piroh
Litva znoŭ začyniła miažu ź Biełaruśsiu — iznoŭ šary z kantrabandaj9
Kamientary