Pastuchoŭ piroh — kłasičnaja brytanskaja strava, viadomaja minimum z 18 stahodździa. Prapanujem vam pravieranuju viersiju hetaha tradycyjnaha receptu. Asablivy smak jamu nadaje tolika čyrvonaha vina, ale možna rabić i bieź jaho.
Fota: BBC Food
Kab zrabić pastuchoŭ piroh, vam spatrebicca:
- 50 mililitraŭ aliŭkavaha aleju
- vialikaja cybulina (treba jaje tonka parezać)
- 650 hramaŭ jałavičnaha faršu
- 2 čajnyja łyžki tamatnaj pasty abo piure
- čajnaja łyžka muki
- 150 mililitraŭ čyrvonaha vina
- čabor ci inšyja lubimyja śpiecyi
- 400 mililitraŭ jałavičnaha bulonu
- vusterski sous (možna zamianić jabłyčnym ci 9%-nym vocatam, balzamičnym vocatam ci sojevym sousam)
- sol
- mołaty čorny pierac
- 900 hramaŭ bulby
- 115 hramaŭ masła
- 125 mililitraŭ małaka
- Razahrejcie pałovu aleju ŭ vialikaj patelni z toŭstym dnom. Pamiaścicie ŭ patelniu cybulinu i smažcie jaje, pakul jana nie stanie miakkaj. Dastańcie cybulu z patelni.
- Vylicie ŭ patelniu reštku aleju i viarnicie jaje na ahoń. Kali patelnia razahrejecca, smažcie na joj farš na praciahu 4—5 chvilin ci pakul jon nie nabudzie karyčnievy koler. Dadajcie cybulu i tamatnaje piure, pieramiašajcie i tušycie ŭsiu sumieś na praciahu chviliny. Dadajcie muku i tušycie jašče chvilinu. Ulicie vino i dadajcie čabor.
- Dadajcie ŭ sumieś bulon, pieramiašajcie. Varycie sumieś na małym ahni 45 chvilin ci pakul farš nie stanie miakki. Dadajcie vusterski soŭs. Pakińcie sumieś na vielmi małym ahni, kab jana nie astyła.
- Razahrejcie duchoŭku da 180 hradusaŭ (hetuju stravu možna hatavać i na hryle). Pakładzicie bulbu ŭ kastrulu z padsolenaj vadoj i daviadzicie jaje da kipieńnia. Varycie bulbu na małym ahni 12—15 chvilin ci pakul jana nie stanie miakkaj. Vysušycie bulbu i viarnicie jaje ŭ kastrulu. Rastaŭčycie bulbu, dadajcie masła i małako, pieramiašajcie, kab atrymałasia adnarodnaja masa.
- Raźmiaścicie miasnuju načynku ŭ formie dla vypiakańnia i pakładzicie źvierchu jaje bulbianoje piure. Pastaŭcie formu ŭ duchoŭku i vypiakajcie piroh 8—10 chvilin da hatoŭnaści (pakul jaho vierch nie stanie karyčnieva-załatym). Padavać piroh možna ź zialonym haroškam.
Hatujem čak-čak — kultavy tatarski łasunak
Recept na vychadnyja. Pasta bolognese. Makarona z kłasičnym bałonskim sousam
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary