Брытанскія вайскоўцы абвергнулі заяву Мінабароны Расіі аб тым, што па эсмінцы HMS Defender у Чорным моры быў адкрыты папераджальны агонь.
«Карабель ВМС Вялікабрытаніі здзяйсняў мірны праход праз тэрытарыяльныя воды Украіны ў адпаведнасці з міжнародным правам», — гаворыцца ў паведамленні прэс-службы брытанскага Мінабароны.
У сераду Мінабароны Расіі паведаміла, што брытанскі эсмінец парушыў мяжу ў раёне мыса Фіялент у Крыме і не рэагаваў на папярэджанні, так што расійскі вартаўнічы карабель быў вымушаны адкрыць папераджальны агонь.
Акрамя таго, бамбардзіроўшчык Су-24М скінуў перад караблём-парушальнікам некалькі бомбаў.
У брытанскім ваенным ведамстве выказалі здагадку, што расійскія вайскоўцы праводзілі вучэбныя стрэльбы ў акваторыі Чорнага мора, запэўніўшы пры гэтым, што ў бок эсмінца Defender папераджальных стрэлаў не рабілася.
«Папераджальны стрэл па HMS Defender не рабіўся. У бок HMS Defender не стралялі, і мы не прызнаём сцвярджэнні аб тым, што на яго шляху скідаліся бомбы», — гаворыцца ў паведамленні, апублікаваным на старонцы прэс-службы Мінабароны Брытаніі ў Twitter, піша РБК.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары