Выканкам Федэрацыі хакея Беларусі заслухалі даклад Захарава аб падрыхтоўцы каманды і яе выступе на ЧС-2021 у Рызе.
Трэнер падвёў вынікі мінулага сезону і падаў прашэнне аб адстаўцы, якая была прынята.
Зборная Беларусі на ЧС заняла апошняе ў месца ў групе (15-е сярод усіх камандаў. Каманда набрала чатыры балы).
Прапіску ў эліце каманда захавала дзякуючы таму, што з-за пандэміі не праводзіліся чэмпіянаты свету ў ніжэйшых дывізіёнах.
Выступ нацыянальнай зборнай Беларусі на чэмпіянаце свету ў Рызе быў прызнаны членамі выканкама ФХБ нездавальняючым.
У канцы жніўня зборную Беларусі чакае адбор у хакейнай кваліфікацыі на Алімпіяду ў Пекіне. Супернікамі будуць зборныя Славакіі, Аўстрыі і Польшчы. Матчы пройдуць у Браціславе. На Алімпіяду паедзе пераможца турніру.
На пасяджэнні выканкама ФХБ, які прайшоў 7 чэрвеня, быў зацверджаны трэнерскі штаб нацыянальнай зборнай Беларусі на перыяд падрыхтоўкі і на кваліфікацыю да АГ-2022.
Да гэтых матчаў каманду будзе рыхтаваць штаб мінскага «Дынама» на чале з Крэйгам Вудкрафтам.
Цяпер чытаюць
У дзень пачатку Пецярбургскага эканамічнага форуму УСУ нанеслі дзясятак удараў па нафтавым тэрмінале ў порце горада і базе Балтфлота ў Кранштаце18
Каментары