Michaił Zacharaŭ pakinuŭ pasadu hałoŭnaha treniera chakiejnaj zbornaj
Vykankam Fiederacyi chakieja Biełarusi zasłuchali dakład Zacharava ab padrychtoŭcy kamandy i jaje vystupie na ČS-2021 u Ryzie.
Trenier padvioŭ vyniki minułaha siezonu i padaŭ prašeńnie ab adstaŭcy, jakaja była pryniata.
Zbornaja Biełarusi na ČS zaniała apošniaje ŭ miesca ŭ hrupie (15-je siarod usich kamandaŭ. Kamanda nabrała čatyry bały).
Prapisku ŭ elicie kamanda zachavała dziakujučy tamu, što z-za pandemii nie pravodzilisia čempijanaty śvietu ŭ nižejšych dyvizijonach.
Vystup nacyjanalnaj zbornaj Biełarusi na čempijanacie śvietu ŭ Ryzie byŭ pryznany členami vykankama FCHB niezdavalniajučym.
U kancy žniŭnia zbornuju Biełarusi čakaje adbor u chakiejnaj kvalifikacyi na Alimpijadu ŭ Piekinie. Supiernikami buduć zbornyja Słavakii, Aŭstryi i Polščy. Matčy projduć u Bracisłavie. Na Alimpijadu pajedzie pieramožca turniru.
Na pasiadžeńni vykankama FCHB, jaki prajšoŭ 7 červienia, byŭ zaćvierdžany trenierski štab nacyjanalnaj zbornaj Biełarusi na pieryjad padrychtoŭki i na kvalifikacyju da AH-2022.
Da hetych matčaŭ kamandu budzie rychtavać štab minskaha «Dynama» na čale z Krejham Vudkraftam.
Kamientary