У Саудаўскай Аравіі пабудуюць найвялікшы завод у свеце па вытворчасці вадароду
У Саудаўскай Аравіі плануюць пабудаваць найвялікшы вадародны завод у свеце. Распрацоўшчыкі праекта спадзяюцца, што попыт на вадароднае паліва зробіць завод прыбытковым.
Попыт на «зялёны» вадарод расце ва ўсім свеце. У адрозненне ад нафты і прыроднага газу, вадарод не вылучае двухвокісу вугляроду і шкодныя рэчывы пры спальванні. Яго прасцей захоўваць, чым электрычнасць, якую выпрацоўваюць ветравыя турбіны і сонечныя электрастанцыі, і да таго ж вадарод можна транспартаваць праз трубаправоды. Вадарод асабліва прываблівы для вытворчасці экалагічнага паліва.
Большую частку вадароду, які выкарыстоўваецца сёння ў камерцыйных мэтах, атрымліваюць шляхам расшчаплення малекул вуглевадароду, у выніку чаго вылучаюцца парніковыя газы. «Зялёны» вадарод, у сваю чаргу, атрымліваюць шляхам электролізу: электрычнасць выкарыстоўваецца для атрымання атамаў вадароду з малекул вады.
Аднак вытворчасць вадароду пакуль што абыходзіцца задорага. Маштабныя праекты акупяцца толькі тады, калі з’явіцца шырокі рынак для вадароду, якога пакуль няма, піша The Wall Street Journal.
Тым не менш, сумесная ініцыятыва ад Неом — саудаўскага праекта разумнага горада — амерыканскай хімічнай кампаніі Air Products & Chemicals Inc. і саудаўскай кампаніі ACWA Power інвестуе $5 мільярдаў у будаўніцтва найвялікшага завода ў свеце па вытворчасці вадароду. А яшчэ $2 мільярды будуць вылучаныя на інфраструктуру рынку, у першую чаргу ў распрацоўку паліва для аўтамабіляў і грамадскіх аўтобусаў.
Згодна з планамі Неом, з 2025 года на заводзе будзе штодзень вырабляцца 650 тон вадароду. Гэты праект з’яўляецца працягам рэалізацыі амбіцыйнага плана Саудаўскай Аравіі па прыстасаванні да будучага свету без нафты і прыроднага газу, Неом мае ператварыцца ў глабальны цэнтр тэхналогій і экалагічнай энергетыкі.
Адна з галоўных пераваг разумнага горада Неом — яго размяшчэнне ўздоўж Чырвонага мора, што спрыяе развіццю і сонечнай, і ветравой энергетыкі. Менавіта таму Неом стаў першым, хто заявіў пра інвестыцыі ў вытворчасць вадароду такога памеру.
Чытайце таксама:
Ветраэлектрастанцыі будуць паралельна прадукаваць вадароднае паліва? Усё да таго ідзе
-
Ён нагадвае марскога ската: амерыканскі стартап стварыў самалёт без звыклых крылаў і ілюмінатараў, які можа стаць новай старонкай у авіяцыі
-
Астэроід, які знішчыў дыназаўраў, мог выклікаць пажары па ўсёй планеце
-
Як спякота падчас цяжарнасці і ў першыя месяцы жыцця можа ўплываць на развіццё мозгу дзіцяці
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары