Затрыманых анархістаў вінавацяць у стварэнні злачыннай групы для «захопу ўлады»
Затрыманыя ў Мінску анархісты праходзяць па крымінальнай справе аб масавых беспарадках. Як паведамляе прэс-служба МУС, яны з'яўляюцца членамі міжнароднай арганізацыі, мэтай якой было гвалтоўнае змяненне канстытуцыйнага ладу або тэрытарыяльнай цэласнасці Беларусі.
Рэгіянальную групу беларускіх анархістаў выявіў ГУБАЗіК.
Прэс-служба МУС паведамляе, што сярод затрыманых — 26-гадовая дзяўчына і трое маладых людзей (20, 24 і 30 гадоў). Яны ўваходзілі ў склад аб'яднання «Рэвалюцыйнае дзеянне» («Аўтаномнае дзеянне — Беларусь»).
Паведамляецца, што ўдзельнікі ячэйкі дзейнічалі і раней, у прыватнасці, закідалі кактэйлямі Молатава будынкі падатковай інспекцыі ў Гомелі і Галасеўскага суда Кіева ў 2016 годзе, расійскага пасольства ў Мінску і Упраўлення КДБ у Бабруйску ў 2010 годзе, а таксама «апаганьвалі розныя будынкі надпісамі і выявамі радыкальнага толку». З 2017 года дзяўчына размяшчала ў адкрытым доступе публікацыі, якія змяшчаюць заклікі да гвалту ў дачыненні да прадстаўнікоў улады.
Паведамляецца, што анархісты рэгулярна чыталі лекцыі, праводзілі семінары і палявыя зборы, дзе навучалі супрацьстаянню праваахоўным органам, у тым ліку падчас заланаваных баявых дзеянняў і пратэстаў, а фінансаванне ажыццяўлялася з-за мяжы, у тым ліку міжнароднымі анархісцкімі арганізацыямі такімі як «анархічны Чорны Крыж».
Затрыманыя знаходзяцца ў СІЗА ў якасці фігурантаў крымінальнай справы па масавых беспарадках у Мінску.
Адзначаецца, што сабраныя матэрыялы па іншых радыкальных анархістах. Той, хто перабраўся за мяжу, будзе абвешчаны ў вышук.
Учора Радыё Свабода паведаміла, што, магчыма, Аляксандр Францкевіч, Акіхіра Гаеўскі-Ханада і Андрэй Чапюк падазраюцца ва «ўдзеле ў злачыннай арганізацыі». Сваякі паведамілі, што супраць іх пачалі крымінальную справу паводле ч. 2 арт. 285 Крымінальнага кодэксу («Удзел у злачыннай арганізацыі ў любой іншай форме»).
Усе яны былі затрыманыя ў сярэдзіне жніўня.
Прычым Францкевіч у 2011 г. быў асуджаны на тры гады па абвінавачванні ў злосным хуліганстве, наўмысным пашкоджанні маёмасці і несанкцыянаваным доступе да камп'ютарнай інфармацыі. Раней ён і яшчэ чацвёра яго паплечнікаў былі затрыманыя па падазрэнні ў падпале расійскай амбасады і Цэнтра ізаляцыі правапарушальнікаў на Акрэсціна.
Хлопец выйшаў на волю ў верасні 2013 года, а ў 2015-м з'ехаў у Кіеў, дзе атрымаў дазвол на жыхарства.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА46
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары