Apple прызнаў, што праз праграму Siri праслухоўвалі карыстальнікаў
Кампанія Apple прыпыніла праграму кантролю якасці Siri, пры якой староннія кампаніі праслухоўваюць запыты карыстальнікаў да галасавога памочніка, піша tjournal.ru са спасылкай на заяву кампаніі.
У канцы ліпеня 2019 года адзін з падрадчыкаў распавёў Guardian, што да супрацоўнікаў, якія займаюцца кантролем якасці Siri, часта трапляюць запісы з канфідэнцыйнай медыцынскай інфармацыяй, дадзенымі аб наркагандлі, а таксама запісы пар, якія займаюцца сэксам.
Прадстаўнік Apple заявіў, што падрадчыкі праслухоўвалі менш за 1% ад галасавых запытаў, а самі запісы доўжыліся некалькі секунд. Спецыялісты не мелі доступу да інфармацыі аб Apple ID карыстальніка, чый запыт праслухоўвалі. Яны ацэньвалі, запусцілі Siri наўмысна ці памылкова, і сачылі, ці дарэчна электронны памочнік адказваў на зададзеныя пытанні.
У Apple таксама адзначылі, што перагледзяць праграму кантролю якасці Siri. Кампанія паабяцала выпусціць абнаўленне, якое дазволіць карыстальнікам самім выбіраць, хочуць яны адпраўляць запыты на праверку ці не.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары