Apple pryznaŭ, što praz prahramu Siri prasłuchoŭvali karystalnikaŭ
Kampanija Apple prypyniła prahramu kantrolu jakaści Siri, pry jakoj staronnija kampanii prasłuchoŭvajuć zapyty karystalnikaŭ da hałasavoha pamočnika, piša tjournal.ru sa spasyłkaj na zajavu kampanii.
U kancy lipienia 2019 hoda adzin z padradčykaŭ raspavioŭ Guardian, što da supracoŭnikaŭ, jakija zajmajucca kantrolem jakaści Siri, časta traplajuć zapisy z kanfidencyjnaj miedycynskaj infarmacyjaj, dadzienymi ab narkahandli, a taksama zapisy par, jakija zajmajucca seksam.
Pradstaŭnik Apple zajaviŭ, što padradčyki prasłuchoŭvali mienš za 1% ad hałasavych zapytaŭ, a sami zapisy doŭžylisia niekalki siekund. Śpiecyjalisty nie mieli dostupu da infarmacyi ab Apple ID karystalnika, čyj zapyt prasłuchoŭvali. Jany aceńvali, zapuścili Siri naŭmysna ci pamyłkova, i sačyli, ci darečna elektronny pamočnik adkazvaŭ na zadadzienyja pytańni.
U Apple taksama adznačyli, što pierahledziać prahramu kantrolu jakaści Siri. Kampanija paabiacała vypuścić abnaŭleńnie, jakoje dazvolić karystalnikam samim vybirać, chočuć jany adpraŭlać zapyty na pravierku ci nie.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary