З 1 студзеня 2019 года мытнікі ў пунктах пропуску, якiя вызначаюцца Саветам Міністраў, будуць ажыццяўляць асобныя функцыі памежнікаў, у тым ліку памежны кантроль. Гэта прадугледжана ўказам №495 «Аб аптымізацыі дзейнасці», які падпісаў Аляксандр Лукашэнка, паведамляе БелТА.
Пакуль што такая працэдура будзе дзейнічаць на 3 пунктах пропуску — аўтадарожнага «Казловічы» на мяжы з Польшчай, дзе перамяшчаецца толькі грузавы аўтатранспарт, а таксама двух чыгуначных — «Гудагай» на станцыі Маладзечна, на мяжы з Літвой, і «Бігосава» на станцыі Полацк, на мяжы з Латвіяй.
Паведамляецца, што гэтыя захады зробленыя ў сувязі з аптымізацыяй. Памежнікаў перанакіруюць для ўзмацнення аховы іншых участкаў мяжы. Якія канкрэтна ўчасткі мяжы будуць узмоцненыя — не паведамляецца.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары