Лукашэнка разам з сынам Мікалаем на камбайне праінспектаваў ход жніва ФОТАФАКТ
Аляксандр Лукашэнка сёння ў час наведвання гаспадарак у Шклоўскім і Аршанскім раёнах азнаёміўся з ходам уборачнай кампаніі ў краіне, сучаснымі ўзорамі сельскагаспадарчай тэхнікі і асабіста на камбайне праінспектаваў ход жніва, піша БелТА.
Кіраўнік дзяржавы прыбыў на пшанічнае поле ААТ «Александрыйскае» на квадрацыкле і адразу адзначыў, што сённяшнія месцы абраныя для наведвання не выпадкова. «Я сёння прыехаў на працу. Гэта поле прэзідэнта. Калісьці хтосьці з лёгкай рукі гэта сказаў. Гэта сапраўды маё поле, дзе я працаваў (з малых гадоў)», - растлумачыў Аляксандр Лукашэнка.
Затым кіраўнік дзяржавы прапанаваў выпрабаваць камбайн на хаду. Месца камбайнёра заняў адзін з работнікаў сельгаспрадпрыемства. Побач з ім размясціўся малодшы сын прэзідэнта Мікалай. Аляксандр Лукашэнка заняў месца на пляцоўцы каля кабіны і азнаёміўся з працай тэхнікі на хаду.
«Я хачу праверыць, які гэты камбайн у эксплуатацыі. Таму што ў прамыслоўцаў ёсць звычка шчокі надзімаць, што ў нас добрыя камбайны, не горш (замежных аналагаў). Праверым, як ён будзе на фоне іншых працаваць, каб людзі бачылі «, - сказаў кіраўнік дзяржавы
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам3
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў66
Каментары