Расійскія дзяржаўныя СМІ распаўсюджваюць ілжывую інфармацыю аб тым, што мясцовая аблрада нібыта абвесціла «незалежнасць» Данецкай вобласці. У прыватнасці, пра гэта паведамляе ІТАР-ТАСС.
« Дэпутаты Данецкага абласнога савета абвясцілі аб дзяржаўнай самастойнасці Данецкай народнай рэспублікі. Адпаведны акт быў зачытаны на пасяджэнні аблсавета», — адзначаецца ў публікацыі ІТАР-ТАСС.
У ёй гаворыцца таксама пра тое, што «Рэспубліканскі савет Данецкай народнай рэспублікі звярнуўся да прэзідэнта РФ з просьбай аб увядзенні часовага міратворчага кантынгенту. Дэпутаты аднагалосна падтрымалі зварот».
Як паведамляў Укрінфарм, данецкія абласныя дэпутаты не прыйшлі на сесію, якую патрабавалі правесці сепаратысты, легітымнай сесіі не было.
Замест гэтага 7 красавіка прарасейскія актывісты заявілі аб стварэнні так званай «народнай рады», якую сфарміравалі з удзельнікаў захопу будынка абласной адміністрацыі. Яны і прымалі ўсе нелегітымныя рашэнні.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!1
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары