Сёньня чыноўнікі Менгарвыканкаму сустрэліся з заяўнікамі правядзеньня 14 кастрычніка «Эўрапейскага маршу за Свабоду». Адказ яны дадуць заўтра.
Прадстаўнікі гарадзкіх уладаў паведамілі, што нельга зьбірацца на Кастрычніцкай плошчы і каля будынку Нацыянальнай бібліятэкі. Паводле іх, гэта можа стварыць пагрозу грамадзкаму парадку, бо абодва месцы знаходзяцца ў непасрэднай блізкасьці ад уваходаў у мэтро.
Старшыня аргкамітэту правядзеньня Эўрапейскага маршу Віктар Івашкевіч не пагадзіўся з засьцярогамі ўладаў наконт пляцоўкі каля бібліятэкі і спаслаўся на тое, што там праводзяцца рэгулярна праводзяцца масавыя афіцыйныя мерапрыемствы.
Разам з гэтым заяўнікі акцыі паведамілі, што могуць зьмяніць месца збору — замест Кастрычніцкай плошчы будуць зьбірацца каля сквэру Янкі Купалы, дзе няма ўваходу ў мэтро. Адтуль яны пройдуць як і плянавалася — праспэктам Незалежнасьці да Нацыянальнай бібліятэкі.
Чыноўнікі папрасілі на роздум суткі і запрасілі заяўнікаў акцыі прыйсьці па адказ заўтра.
На сустрэчы прысутнічаў намесьнік гарадзкога пракурора Аляксей Стук, а таксама начальнік упраўленьня ідэалягічнай працы Менгарвыканкаму Генадзь Курбека.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары