Беларусы Познані і нямецкі падыход
Беларускі культурна-асьветніцкі цэнтар у Познані (кір. — Віталь Воранаў) сумесна зь Незалежным студэнцкім задзіночаньнем распачаў збор подпісаў супраць вяшчаньня «Нямецкай хвалі» на Беларусь па-расейску. Збор подпісаў будзе спалучаны з інфармацыйнай акцыяй вакол вяшчаньня на Беларусь і нямецкага падыходу да беларускага пытаньня. Плянуецца правядзеньне акцыі ва ўсіх вышэйшых навучальных установах Познані і збор подпісаў, якія будуць перасланы ў Эўрапейскую камісію і ў офіс «Нямецкай хвалі». Завяршэньне збору подпісаў мелася адбыцца 16 лістапада на афіцыйнай маніфэстацыі з нагоды Дня салідарнасьці.
Віталь Воранаў, Познань
Беларусь у хвасьце сьпісаў
Паводле ступені простасьці сплаты падаткаў Беларусь займае 155 месца ў сьвеце, піша «Комсомольская правда» в Белоруссии». Да прыкладу, у Расеі ўсяго 27 падатковых платаў, ва Ўкраіне — 84, у Польшчы — 43, у Літве — 13. Для параўнаньня: у Беларусі падатковых платаў на 100 больш, чым у Літве — 113! І каб разабрацца зь імі, падаткаплатніку трэба патраціць 1188 гадзін.
Кучму ўсё ж асудзяць за Гангадзэ?
Вярхоўная рада Ўкраіны накіруе запыт генпракурору Аляксандру Мядзьведзьку аб завядзеньні крымінальнай справы і заключэньня пад варту экс-прэзыдэнта Леаніда Кучмы. Падстава — арганізацыя выкраданьня журналіста Георгія Гангадзэ. Адпаведны запыт чальца фракцыі Блёка Юліі Цімашэнкі агучыў у сераду старшыня Вярхоўнай рады Ўладзімер Літвін.
АГ
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары