Biełarusy Poznani i niamiecki padychod
Biełaruski kulturna-aśvietnicki centar u Poznani (kir. — Vital Voranaŭ) sumiesna ź Niezaležnym studenckim zadzinočańniem raspačaŭ zbor podpisaŭ suprać viaščańnia «Niamieckaj chvali» na Biełaruś pa-rasiejsku. Zbor podpisaŭ budzie spałučany ź infarmacyjnaj akcyjaj vakoł viaščańnia na Biełaruś i niamieckaha padychodu da biełaruskaha pytańnia. Planujecca praviadzieńnie akcyi va ŭsich vyšejšych navučalnych ustanovach Poznani i zbor podpisaŭ, jakija buduć pierasłany ŭ Eŭrapiejskuju kamisiju i ŭ ofis «Niamieckaj chvali». Zaviaršeńnie zboru podpisaŭ miełasia adbycca 16 listapada na aficyjnaj manifestacyi z nahody Dnia salidarnaści.
Vital Voranaŭ, Poznań
Biełaruś u chvaście śpisaŭ
Pavodle stupieni prostaści spłaty padatkaŭ Biełaruś zajmaje 155 miesca ŭ śviecie, piša «Komsomolskaja pravda» v Biełoruśsii». Da prykładu, u Rasiei ŭsiaho 27 padatkovych płataŭ, va Ŭkrainie — 84, u Polščy — 43, u Litvie — 13. Dla paraŭnańnia: u Biełarusi padatkovych płataŭ na 100 bolš, čym u Litvie — 113! I kab razabracca ź imi, padatkapłatniku treba patracić 1188 hadzin.
Kučmu ŭsio ž asudziać za Hanhadze?
Viarchoŭnaja rada Ŭkrainy nakiruje zapyt hienprakuroru Alaksandru Miadźviedźku ab zaviadzieńni kryminalnaj spravy i zaklučeńnia pad vartu eks-prezydenta Leanida Kučmy. Padstava — arhanizacyja vykradańnia žurnalista Hieorhija Hanhadze. Adpaviedny zapyt čalca frakcyi Bloka Julii Cimašenki ahučyŭ u sieradu staršynia Viarchoŭnaj rady Ŭładzimier Litvin.
AH
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia26
Kamientary