Nijakaha aficyjnaha rasparadžeńnia pa demantažy spadarožnikavych anten i kandycyjaneraŭ z fasadaŭ budynkaŭ u Miensku nie isnuje, zajavili ŭ Mienharvykankamie.
Nijakaha aficyjnaha rasparadžeńnia pa demantažy spadarožnikavych anten i kandycyjanieraŭ z fasadaŭ budynkaŭ u Minsku nie isnuje, zajavili BiełaPAN u pres‑słužbie Minharvykankama. Takim čynam u staličnaj administracyi abvierhli paviedamleńni, što źjavilisia ŭ haziecie «Komsomolskaja pravda» v Biełoruśsii», ab tym, što ŭ administracyi rajonaŭ Minska nibyta nakiravana daručeńnie pryvieści fasady budynkaŭ u adpaviednaść z zakanadaŭstvam i prajektami zabudovy.
Jak zajavili haziecie va UP «MTIS», «jość zakon ab tym, što estetyčnaje abličča horada nielha parušać pry ekspłuatacyi žylla, a ŭzhadniać ustanoŭku anten treba z bałansatrymalnikam doma i architektarami».
Na dumku hałoŭnaha mastaka Minska Alaksandra Andrončyka, jakuju jon vykazaŭ karespandentu «Kamsamołki», «nieprafiesijnaja ŭstanoŭka anten biez uzhadnieńnia moža nanieści škodu budynkam». «Za parušeńni praviłaŭ ekspłuatacyi štrafujuć, ale, dumaju, da štrafaŭ nie dojdzie — buduć tolki demantavać», — zaznačyŭ jon.
Jak patłumačyŭ BiełaPAN A.Andrončyk, jon «vykazaŭ haziecie tolki svaju dumku, a nie rašeńnie ŭładaŭ horada». Pavodle słoŭ pres‑sakratara Minharvykankama Śviatłany Šycikavaj, «u kamitecie architektury Minharvykankama nam patłumačyli, što było vykazana mierkavańnie ab estetyzacyi abličča horada».
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii16
Kamientary