Kropkavyja represii ŭ krainie "racyjanalnaha kalabaranctva"
Złaviesnym, brutalnym praces paŭstaje tolki ŭ vačoch palityčna anhažavanaj publiki. Masa ž pra hetuju pa-svojmu akuratnuju, persanalizavanuju začystku i nia viedaje. Miljony zraślisia z Systemaj, navučylisia atrymlivać bonusy. I pieramieny dla ich — nieracyjanalnaja ryzyka. Piša ŭ svaim błohu Alaksandar Kłaskoŭski.
Pakul vysoki kiraŭnik bavić čas na łyžach u subtropikach, Systema spraŭna pracuje. Jana daŭno nabyła ŭłasnuju lohiku. Vypracavała, kali chočacie, alharytmy.
Sapraŭdy, chiba nie znajomaja schiema? Napiaredadni Dnia Voli, jak i letaś pierad vybarami, apazycyjanery — treba ž! — ulehli ŭ publičnuju brudnuju łajanku. I asabliva ščyravaŭ vytančany filolah, znaŭca vaśmi ci dzieviaci movaŭ Vincuk Viačorka (mnie asabista davodziłasia nazirać, naprykład, jak jon skaraŭ letuvisaŭ, pramaŭlajučy na ichniaj matčynaj).
Zrazumieła, što vyklučna praz pobytavy incydent i trapiła ŭ ruki orhanaŭ adna z klučavych fihuraŭ mierkavanaj palityčnaj imprezy...
Kamar dziuby nie padatknie. Tym bolej što Viačorku, jak i Siŭčyka, na niejki čas humanna adpuścili. Našto psavać spn.Capf asałodu ad fantastyčnaha dyjalohu ŭ ałmazie viedaŭ?
(Ech, Eŭropa!.. Tut i sapraŭdy chočacca vykazacca ź filalahičnym razmacham.)
Tym časam pa ŭsioj krainie neŭtralizujuć aktyŭ "Maładoha frontu".
Adnak złaviesnym, brutalnym praces paŭstaje tolki ŭ vačoch palityčna anhažavanaj publiki. Masa ž pra hetuju pa-svojmu akuratnuju, persanalizavanuju začystku i nia viedaje.
Kaniešnie, pry žadańni ŭsio možna znajści ŭ internecie. Ale ci mnohija lezuć tudy dziela palityki? Palityčnaje sieciva łučyć taksama adnosna vuzkaje koła ludziej.
...Siońnia (vybačajcie, užo ŭčora: pakul pisaŭ, nastała poŭnač) daviałosia razmaŭlać ź Jurjem Ziseram, kiraŭnikom TUT.by. Ja pacikaviŭsia: čaho možna čakać ad novaha zakonu ab infarmacyi?
Pakazalna, što ab samim prajekcie — infarmacyi praktyčna nul. U internecie nia vyviešany, u Pałacie kažuć, što sami tolki znajomiacca (atrymali z Saŭminu). Niezaležnyja medyi tym časam pačali bić tryvohu, bo viedama ž, jakaja specyfika ŭ ajčynnaj zakonatvorčaści. Niby ŭ tym anekdocie pra kanversiju: što ni robiać, atrymlivajecca aŭtamat Kałašnikava.
Karaciej, Sieciva zapiareściła zahałoŭkami pra tatalnuju infarmacyjnuju začystku i ŭsio takoje.
Da temy zakonaprajektu, badaj, jašče budzie nahoda źviarnucca. Sp.Ziser ža, kali koratka, miarkuje, što da słavy Paŭnočnaj Karei va ŭradzie ŭsio ž naŭrad ci imknucca. Nu a dziela kropkavaj neŭtralizacyi nieŭpadabanych resursaŭ, kaža jon, nijaki zakon asabliva i nie patrebny: zhadajcie kibervojny padčas minułych elektaralnych kampanijaŭ.
Sapraŭdy, našto hłušyć internet masava? Zabaŭlalny, biznesovy i jašče šerah sehmentaŭ možna nie čapać. A kab prydušyć toje, što trapiečacca ŭ sensie palityčnym, šmat vysiłkaŭ nia treba.
Praŭda i toje, što praŭny absiah staŭ efemernym darešty. Zakony sami pa sabie nia majuć pryncypovaha značeńnia. Systema isnuje pavodle paniatkaŭ.
I samaje strašnaje, što praviły hulni prymajucca vialikaj kolkaściu suajčyńnikaŭ.
Voś artykuł na "Našiem mnienii". Dačytajcie, pradziaryciesia skroź huščar navukovaha stylu (ci, u rešcie reštaŭ, adrazu pierachodźcie da apošnich abzacaŭ).
Žorstkaja vysnova: miljony zraślisia z Systemaj, navučylisia atrymlivać bonusy. I pieramieny dla ich — nieracyjanalnaja ryzyka.
Nu a dziela vuzkaha słoju iracyjanalnych nonkanfarmistaŭ dastatkova i kropkavych represijaŭ... Nieprykmietnych dla Uty Capf i ajčynnych amataraŭ Paliny Smołavaj.
Kamientary