Biełaruskaja čyhunka źbirajecca zamović u Stadler 65 ciahnikoŭ. Ale šviejcarcy kazali, što zavod u Fanipali staić biez pracy
Namieśnik načalnika Biełaruskaj čyhunki zajaviŭ, što zavod pracuje, niahledziačy na sankcyi. A dziaržava źbirałasia stvaryć na jaho bazie biełaruska-rasijskaje pradpryjemstva.
Biełaruskaja čyhunka źbirajecca zakazać u zavoda «Štadler Minsk» 65 ciahnikoŭ.
Pieršy namieśnik načalnika Biełaruskaj čyhunki Alaksandr Charaševič raskazaŭ, što damova praduhledžvaje pastaŭku 30 elektryčak i 35 dyzielaŭ. Jaje padpišuć u najbližejšy čas, paviedamlaje «Točka».
«Zaklučajem litaralna na hetym tydni kantrakt sa Stadler na vytvorčaść matorvahonnaha ruchomaha sastavu, pryčym jak elektra-, tak i dyziel-. Novyja sastavy buduć nakiravanyja na ŭnutryrespublikanskaje złučeńnie. Ekanomkłas, mižrehijanalny biznes-kłas, haradski ruch», — skazaŭ Charaševič.
Terminy, u jakija novyja ciahniki pastupiać na čyhunku, jon raskryvać nie staŭ.
Miž tym raniej paviedamlałasia, što zavod u Fanipali z-za sankcyj praktyčna spyniŭ pracu. U 2022 hodzie šviejcarskaja kampanija rełakavała častku supracoŭnikaŭ i surjozna skaraciła štat z 2000 da 200 čałaviek. Ale ŭ Stadler pry hetym zajavili, što nie źbirajucca pradavać pradpryjemstva i płanujuć adnavić vytvorčaść paśla źniaćcia sankcyj.
U apošniaj hadavoj spravazdačy Stadler śćviardžałasia, što biełaruski zavod zastajecca va ŭłasnaści kampanii, ale pracuje na minimalnaj zahruzcy.
«Zavod praciahvaje akazvać pasłuhi pa vytvorčaści kuzavaŭ i kampanientaŭ aŭtamabilaŭ, a taksama ŭ halinie inžynirynhu ŭ strohaj adpaviednaści z usimi sankcyjami», — paviedamlali ŭ karparacyi.
Akramia taho, u BČ uźnikli ciažkaści navat z ramontam ciahnikoŭ «Štadler». Na šerahu maršrutaŭ ich stali zamianiać na staryja elektryčki.
Adnak namieśnik načalnika BČ zajaŭlaje, što zavod nie prastojvaje i zakuplaje kamplektujučyja ŭ inšych krainach.
«Jon nie sychodziŭ i nie prypyniaŭsia, jon pracuje. Tak, jość składanaści z pastaŭkaj peŭnych kamplektujučych. Ale śviet ža nie zacykleny na adnoj Jeŭropie ci na jakich-niebudź peŭnych krainach, vytvorcach. Znachodzim varyjanty», — zajaviŭ Charaševič.
Pa jaho słovach, usie 65 sastavaŭ, jakija zakazvaje BČ, źbiaruć u Fanipali.
U vieraśni 2024 hoda ŭ Ministerstvie transpartu Biełarusi zajavili, što źbirajucca raźvivać «biełaruskaje pradpryjemstva» «Štadler Minsk» u supracoŭnictvie z rasijskimi inviestarami. Siarod ich nazyvalisia «Transmašchołdynh» i «Hrupa «Sinara».
Ale ŭ šviejcarskaj karparacyi Stadler tady zajavili, što im nie paviedamlali pra pieramovy z rasijskimi kampanijami i jany nie ŭdzielničajuć u ich.
«Zavod u Minsku na 100% naležyć Stadler, taksama karparacyja ŭ poŭnaj miery vykonvaje patrabavańni mižnarodnych sankcyj. Prodaž nie płanujecca», — zapeŭnivali ŭ Stadler.
Kiraŭnik karparacyi tady nie bačyŭ nijakich prykmiet, što «ŭ Biełarusi jość jakija-niebudź płany pa źmienie struktury ŭłasnaści našaha minskaha zavoda».
Pradstaŭnik Stadler Mark Miešenmozer śćviardžaŭ, što prodaž zavoda ŭ Fanipali nie płanujecca. A kampanija nie ŭdzielničała ni ŭ jakich dyskusijach pamiž členami biełaruskaha ŭrada i rasijskimi kampanijami.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali24
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary
Žieleznodorožnikov sokraŝajut, zarpłaty ostavšimsia umieńšajut, nieužieli dla toho, čtoby zatariťsia štadlerami ? Kto obsłuživať i jezdiť budiet na nov́je ?
Da i pobory mintransa nikto nie otmieniał, kak i pierievozku za sčiot žd lhotnikov.