Kiraŭnik niezaležnaha prafsajuzu «Hranitu» Aleh Stachajevič sudzicca z pradpryjemstvamz-za svajho zvalnieńnia. Padtrymać Stachajeviča ŭ Łuniniecki rajonny sud pryjechali kala 40 čałaviek.
Pazoŭ u abaronu Aleha Stachajeviča byŭ nakiravany ŭ Łuniniecki sud Biełaruskim kanhresam demakratyčnych prafsajuzaŭ. Asnoŭny arhument pazoŭnikaŭ — toj, što Alehu Stachajeviču nie prapanavali inšaj pracy. Zvalnieńnie, jak kaža Stachajevič, adbyłosia z parušeńniami, bo jaho svoječasova nie aznajomili z adpaviednym zahadam.
Akramia taho, pracadaŭca nie apaviaściŭ pra zvalnieńnie Biełaruski niezaležny prafsajuz, siabram jakoha jość spadar Stachajevič.
Jak raspavioŭ zvolnieny kiraŭnik niezaležnaha prafsajuzu, viadzie pasiedžańnie staršynia Łuninieckaha sudu Vasil Bielski. Adkazčyka pradstaŭlaje juryst «Hranitu»:
«Adkazčyk — bačna, što dadziena jamu kamanda ni na jakija sastupki nie iści. Usiudy jon idzie ŭ admovu, nijakich chadajnictvaŭ nie padtrymlivaje. Navat prostyja, elementarnyja, jak pra vyklik śviedki, jakoha my majem. Bačna, što jon prosta vińcik systemy».
Spadar Stachajevič kaža, što na dadzieny momant jon bačyć šancy na pieramohu:
«Na hetuju chvilinu ŭžo možna kazać, što sprava vyjhrana. Usio budzie zaležać ad pryniaćcia rašeńnia sudździoj».
Sakratar niezaležnaha prafsajuzu Anatol Litvinka, pa adukacyi juryst, taksama na pracesie. Jon tak kamentuje siońniašniaje pasiedžańnie:
«Adkazčyk, na naš pohlad, nie arhumentuje svaju pazycyju. Usio na lakalnych dakumentach, lakalnaha charaktaru ŭ jaho. Sud nie zadavoliŭ našaje chadajnictva ab pradstaŭleńni štatnaha raskładu „Hranitu“. Bo dla nas heta maje vielmi vialikaje značeńnie. Bo my ličym, što pry zvalnieńni Alehu Stachajeviču byli pradstaŭlenyja nia ŭsie vakansii».
Na momant padrychtoŭki hetaha materyjału pasiedžańnie praciahvałasia.
Padtrymać Aleha Stachajeviča pryjechali kala 40 čałaviek.Razam ź imi i kiraŭnik Biełaruskaha kanhresu demakratyčnych prafsajuzaŭ Alaksandar Jarašuk.
***
Aleha Stachajeviča zvolnili z «Hranitu», pazbaviŭšy pierad hetym pravoŭ kiroŭcy. Jon pracavaŭ kiroŭcam «BiełAZu». Pry zvalnieńni kiraŭniku niezaležnaha prafsajuzu nie prapanavali nijakaj inšaj pasady na «Hranicie», niahledziačy na toje, što jon maje admysłovuju adukacyju dla hornazdabyŭnoha pradpryjemstva.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary