Videa ŭ internecie: u minskaje mietro možna bieśpieraškodna trapić nočču
U internecie źjaviŭsia videarolik, na jakim bačna, jak hrupa maładych ludziej hulaje pa stancyi «Maskoŭskaj» a 4-j ranicy.
U internecie źjaviŭsia videarolik, na jakim bačna, jak hrupa maładych ludziej bieśpieraškodna hulaje pa «Maskoŭskaj» a 4-j ranicy.
Aolyellowman — psieŭdanim karystalnika sajta YouTube, jaki dazvalaje biaspłatna raźmiaščać videaroliki ŭ internecie, piša sajt «Biełaruskija naviny». 28 maja jon apublikavaŭ na sajcie videarolik, nahladna demanstruje ŭraźlivaść Minskaha mietrapalitena dla patencyjnych terarystaŭ u načny čas.
Na videa vidać, jak hrupa maładych, miarkujučy pa ŭsim — nie zusim ćviarozych ludziej pranikaje na stancyju praz zvyčajny ŭvachod. «Kali jany nas złoviać, ja skažu: “Vy bili ludziej na płoščy?”, — kaža adzin z maładych ludziej, pierš čym uvajści ŭ mietro. Na stancyi ciomna, ale bačnyja elektronnyja hadzińniki nad šlachami. Čas na hadzinach — 3.49.
Čuvać, jak adzin z udzielnikaŭ «uvarvańnia» pramaŭlaje: «Stancyja “Maskoŭskaja”, čatyry hadziny nočy, navat nie začynili dźviery. Možna luby terakt, b ... dź, zrabić».
Miarkujučy pa kadrach, u načnym «nalocie» na mietro ŭdzielničali 3 čałavieki.
Tłumačalny podpis pad videa na sajcie YouTube abviaščaje: «heta p ... c! dy nu n ... ch)))) my zajšli i vyjšli ź mietro “ŭsio!!! zakłali i vyjšli” žartaŭ dziela, ale tym nie mienš, rabicie vysnovy sami)))) Ja padychodziŭ da 3-ch miantoŭ i jany skazali što prymuć miery !!!!! i ŭsio — prykińcie!!! kali sapraŭdy prosta chaciełasia vypić a tut takoje — ohohhoohooho)».
Kali prakraścisia ŭ mietro paśla jaho zakryćcia biez składanaściaŭ moža luby pacan, to łahična vykazać zdahadku, što tym bolš heta budzie pad siłu padrychtavanym terarystam i lubomu inšamu złamyśniku.
Padobna na toje, što kiraŭnictva mietrapalitena i pravaachoŭnyja orhany Biełarusi nie zrabili nijakich vysnovaŭ z teraktu na stancyi «Kastryčnickaja», jaki adbyŭsia 11 krasavika i zabraŭ žyćci 15 čałaviek, robić vysnovu aŭtar «Biełaruskich navinaŭ».
Hladzi jašče: Intervju aŭtara videa ŭ mietro.
Kamientary