Pra heta jon zajaviŭ žurnalistam 25 červienia.
Pasoł Rasii ŭ Biełarusi Alaksandr Surykaŭ ličyć hazavy kanflikt vyčarpanym. Pra heta jon zajaviŭ žurnalistam 25 červienia ŭ Minsku pierad adkryćciom 37‑j siesii Parłamienckaha schodu Sajuza Biełarusi i Rasii.
«Baki raźličylisia. Jość tolki niekatoryja daŭzhadnieńni, ale apošnimi dniami ŭsie prajavili mudraść, źniali ŭsie abmiežavańni, a dalej niachaj pracujuć u miežach kantrakta», — zajaviŭ Surykaŭ.
Na jaho dumku, kali ŭ budučyni ŭźniknuć takija sprečki, pažadana, kab jany «zakančvalisia sudami». «Kali sudździami vystupajuć vyšejšyja słužbovyja asoby, niepryjemny asadak u naroda zastajecca», — zaŭvažyŭ dypłamat.
Adkazvajučy na pytańnie ab pryčynie hazavaha kanfliktu, Surykaŭ zajaviŭ:
«Treba ŭ termin i ŭ dakładnaści vykonvać umovy kantrakta — u im usio prapisana.
Miarkuju, heta niedapracoŭki i niedačytanaść dakumientaŭ čynoŭnikami».
Pry hetym pasoł padkreśliŭ, što «nidzie na papiery nie zafiksavany damoŭlenaści ab adnačasovym pierachodzie na roŭnadachodnyja ceny na haz i naftu».
***
21 červienia pieršy vice‑premjer urada Biełarusi Uładzimir Siamaška zajaviŭ, što Biełaruś nie maje namieru vychodzić ź pieramoŭnaha pracesu z «Hazpromam» pa košcie hazu na nastupny hod i pasprabuje atrymać ceny, blizkija da rasijskich.
Siamaška padkreśliŭ, što Biełaruś nie nastojvaje na roŭnadachodnaj canie na haz u Rasii i Biełarusi. «My hatovy ruchacca pa sinchronnaj trajektoryi da roŭnadachodnych cen na haz. Niachaj jana [cana] u nas budzie krychu vyšejšaj za rasijskuju», — skazaŭ jon.
Pieršy vice‑premjer nahadaŭ, što ŭ kancy 2006 hoda Biełaruś pravodziła pieramovy z «Hazpromam» i tady «Hazprom» zapeŭniŭ, što da 2011 hoda ŭ Rasii buduć roŭnadachodnyja z suśvietnymi ceny na haz.
«Jak my bačym, «Hazprom» adstaje ŭ svaim hrafiku, i heta zrazumieła ŭ suviazi z kryzisam i inšymi faktarami», — zaznačyŭ Siamaška. Vychad unutranych cen na haz u Rasii na roŭnadachodnaść z ekspartnymi pastaŭkami (za vylikam pošlin i transpartnych raschodaŭ) byŭ adkładzieny da 2014 hoda.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada22
Kamientary