Пра гэта ён заявіў журналістам 25 чэрвеня.
Пасол Расіі ў Беларусі Аляксандр Сурыкаў лічыць газавы канфлікт вычарпаным. Пра гэта ён заявіў журналістам 25 чэрвеня ў Мінску перад адкрыццём 37‑й сесіі Парламенцкага сходу Саюза Беларусі і Расіі.
«Бакі разлічыліся. Ёсць толькі некаторыя даўзгадненні, але апошнімі днямі ўсе праявілі мудрасць, знялі ўсе абмежаванні, а далей няхай працуюць у межах кантракта», — заявіў Сурыкаў.
На яго думку, калі ў будучыні ўзнікнуць такія спрэчкі, пажадана, каб яны «заканчваліся судамі». «Калі суддзямі выступаюць вышэйшыя службовыя асобы, непрыемны асадак у народа застаецца», — заўважыў дыпламат.
Адказваючы на пытанне аб прычыне газавага канфлікту, Сурыкаў заявіў:
«Трэба ў тэрмін і ў дакладнасці выконваць умовы кантракта — у ім усё прапісана.
Мяркую, гэта недапрацоўкі і недачытанасць дакументаў чыноўнікамі».
Пры гэтым пасол падкрэсліў, што «нідзе на паперы не зафіксаваны дамоўленасці аб адначасовым пераходзе на роўнадаходныя цэны на газ і нафту».
***
21 чэрвеня першы віцэ‑прэм’ер урада Беларусі Уладзімір Сямашка заявіў, што Беларусь не мае намеру выходзіць з перамоўнага працэсу з «Газпромам» па кошце газу на наступны год і паспрабуе атрымаць цэны, блізкія да расійскіх.
Сямашка падкрэсліў, што Беларусь не настойвае на роўнадаходнай цане на газ у Расіі і Беларусі. «Мы гатовы рухацца па сінхроннай траекторыі да роўнадаходных цэн на газ. Няхай яна [цана] у нас будзе крыху вышэйшай за расійскую», — сказаў ён.
Першы віцэ‑прэм’ер нагадаў, што ў канцы 2006 года Беларусь праводзіла перамовы з «Газпромам» і тады «Газпром» запэўніў, што да 2011 года ў Расіі будуць роўнадаходныя з сусветнымі цэны на газ.
«Як мы бачым, «Газпром» адстае ў сваім графіку, і гэта зразумела ў сувязі з крызісам і іншымі фактарамі», — зазначыў Сямашка. Выхад унутраных цэн на газ у Расіі на роўнадаходнасць з экспартнымі пастаўкамі (за вылікам пошлін і транспартных расходаў) быў адкладзены да 2014 года.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары