U Minsku mužčyna napaŭ na kiroŭcu, jaki aślapiŭ farami jahonuju byłuju žonku
U minskim mikrarajonie Łošyca adbyŭsia kanflikt, jaki skončyŭsia sudom, paviedamlaje ahienctva «Minsk-Naviny».
49‑hadovy mužčyna na navahodnim karparatyvie aktyŭna ŭžyvaŭ ałkahol, a paśla taho paprasiŭ byłuju žonku advieźci jaho dadomu. Pa darozie jana paskardziłasia, što kiroŭca aŭtamabila BMW, jaki jechaŭ zzadu, nibyta aślapiŭ jaje farami.
Kali mašyny spynilisia na śviatłafory, mužčyna vyjšaŭ z aŭto, padyšoŭ da BMW i pačaŭ kanflikt. Jon pavodziŭ siabie vielmi ahresiŭna: schapiŭ kiroŭcu za adzieńnie, ciahnuŭ da siabie, abchapiŭ za šyju i sprabavaŭ dušyć. Paśla hetaha nanios niekalki ŭdaraŭ u tvar.
Paciarpieły pačaŭ zdymać toje, što adbyvajecca, na telefon. Kali ž jon pasprabavaŭ vyjści z mašyny, napadnik padbieh i šturchnuŭ jaho, u vyniku čaho mužčyna vypuściŭ telefon. Chulihana ŭtajmavała tolki byłaja žonka, jakaja ŭhavaryła jaho adstupicca i jechać dalej.
U vyniku incydentu byli paškodžany nie tolki asabistyja rečy paciarpiełaha, ale i jaho aŭtamabil — ahulnaja suma naniesienaj škody skłała bolš za 10 tysiač rubloŭ.
Paśla zdareńnia mužčynu zatrymali i zaviali kryminalnuju spravu. U sudzie jon pryznaŭ vinu častkova. Sud uličyŭ, što jon maje dvuch dziaciej, pracuje i raniej nie mieŭ sudzimaściaŭ, choć pryciahvaŭsia da administracyjnaj adkaznaści.
U vyniku minčuka pryznali vinavatym u chulihanstvie i pryznačyli jamu štraf — 100 bazavych vieličyń (4500 rubloŭ). Taksama jon pavinien vypłacić paciarpiełamu 1500 rubloŭ jak kampiensacyju maralnaj škody.
U Homieli mužčyna pabiŭ kala carkvy baciušku
«Ja ciapier u šoku, u depresii». Žančyna ŭbačyła, što čałavieku kiepska, i patelefanavała ŭ milicyju, ale reakcyja była niečakanaj
U kleckaj paliklinicy pacyjenty pabilisia za miesca ŭ čarzie. Ciapier budzie sud
Uščent pjany žychar Šumilina vychapiŭ u milicyjaniera pistalet i sprabavaŭ strelić jamu ŭ hałavu
Kamientary