Žury premii imia Franciška Bahuševiča sfarmavała doŭhi śpis z tvoraŭ, vydadzienych u 2025 hodzie i naminavanych na konkurs premii, paviedamlaje Biełaruski PEN.
Z 24 tvoraŭ, uklučanych u poŭny śpis, u nastupny etap konkursu prajšli 12 — tyja, što, pavodle acenki žury, nie tolki adpaviadajuć metam premii, ale najbolš vyrazna i aryhinalna asensoŭvajuć temy biełaruskaj historyi, kultury i nacyjanalnaj identyčnaści.
Sioleta konkurs iznoŭ zaśviedčyŭ raznastajnaść padychodaŭ i formaŭ: u doŭhi śpis uvajšli jak knihi, tak i miedyjnyja prajekty — padkasty, błohi i daśledavańni, što prapanujuć novyja pierśpiektyvy dla vyvučeńnia histaryčnaj spadčyny i pašyreńnia biełaruskaj kultury.
U doŭhi śpis premii ŭvajšli:
Knihi:
- «I daŭniej tak pieli: Muzyčny falkłor staravieraŭ paŭnočna-zachodniaj Biełarusi» — Volha Baryšnikava (Skaryna Press, Łondan, 2025).
- «Patajemnaja spadčyna. Kazki pra biełaruskich žančyn». Tom 1 i 2 — fundacyja BYPROSVET (BYPROSVET/Magenta, Varšava, 2025).
- «Prosta ź lubovi. Reparciorskija partrety pamiaci» — Hanna Kandraciuk (vydaviectva Centra biełaruskaj kultury ŭ Biełastoku, Biełastok, 2025).
- «Apošnija śviedki Hrodna» — Rusłan Kulevič (samvyd, Polšča, 2025).
- «Na «Start» i ŭ «Tempie»: Nožny špurlak na Aršanščynie» — Arciom Sizincaŭ (Skaryna Press, Łondan, 2025).
- «Koła dnia» — Alaksandra Turava (2025, zašyfravany ŭdzieł).
- «Krovazvarot» — Julija Cimafiejeva (Januškievič, Varšava, 2025).
- «Cieni padmurkaŭ» — Milestone (2025, zašyfravany ŭdzieł).
Artykuł u miedyja, padkast, kino, videa/videacykł, inšaje:
- Televizijny prajekt «Sarmacki vus» — aŭtar i viadoŭca Cimafiej Akudovič.
- «Biełaruś jak «kulturnoje padabienstva kałanijalnaj Afryki», ci Antykałanijalnaje paŭstańnie kamunista Alaksieja Kaŭki» — Taćciana Astroŭskaja (artykuł u časopisie «Topos», Vilnia, 2025).
- Padkast «Litaraturnyja zaciemki» — Siarhiej Dubaviec.
- Videabłoh pra biełaruskuju kuchniu «Pr0Food» — Siarhiej Mazan.
Premija imia Franciška Bahuševiča, zasnavanaja ŭ 1996 hodzie, štohod adznačaje najlepšyja tvory, pryśviečanyja historyi i kultury Biełarusi. Jana zaklikanaja padtrymlivać daśledavańni, mastackija i miedyjnyja prajekty, što ŭmacoŭvajuć biełaruskuju kulturnuju prastoru i spryjajuć adnaŭleńniu histaryčnaj pamiaci.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary