Pradajecca byłaja siadziba Jalenskich u ahraharadku Tuča Kleckaha rajona. Jaje los vyrašycca na aŭkcyjonie 27 krasavika. Pačatkovaja cana vielmi nizkaja — usiaho adna bazavaja adzinka (45 rubloŭ).
Heta miesca maje bahatuju historyju. Spačatku ziemlami vałodała maci karala Žyhimonta II Aŭhusta, potym jany pierajšli da rodu Radziviłaŭ, a paźniej — da siamji Jalenskich. Mienavita pry ich siadziba dasiahnuła najbolšaha roskvitu.
U kancy XIX stahodździa majontak zajmaŭ bolš za 1700 hiektaraŭ. Tam pracavali brovar, haspadarčyja pabudovy, kuźnia. Sam budynak siadziby byŭ pradstaŭničym — z kałonami, vialikimi załami i terasaj z vyhladam na park. Unutry znachodzilisia kaštoŭnyja rečy: słuckija pajasy, staradaŭniaja mebla, knihi i dyvany.
Paśla taho jak Jalenskija pakinuli majontak, budynak spačatku vykarystoŭvaŭsia jak kazarma, špital, vučebny centr i majsterni. U 2000‑ch hadach jaho zakansiervavali.
Ciapier na prodaž vystaŭleny dvuchpaviarchovy cahlany dom płoščaj kala 800 kvadratnych mietraŭ z mansardaj, padvałam, prybudovami i terasaj. Budynak maje status histaryčnaj kulturnaj kaštoŭnaści, tamu jaho nielha svabodna pierabudoŭvać — usie raboty pavinny zachoŭvać jaho aŭtentyčny vyhlad.
Razam ź siadzibaj pakupniku pieradaduć u arendu na 50 hadoŭ ziamielny ŭčastak płoščaj kala 1,2 hiektara. U budynku možna adkryć, naprykład, hatel, restaran, kaviarniu, spartyŭny abo ofisny centr, ale z ulikam patrabavańniaŭ pa zachavańni spadčyny.
Siadziba Jalenskich u Kleckim rajonie, jakuju pradavali dvojčy, znoŭ šukaje haspadara
«Muravanku Chraptovičaŭ» znoŭ pradajuć ź vielizarnaj źnižkaj, usiaho za 90 rubloŭ
U Čačersku znoŭ vystavili na aŭkcyjon staradaŭniuju siadzibu
Histaryčny budynak pradajuć za 42 rubli va Ušackim rajonie
U Tałačynskim rajonie vystavili na prodaž staruju siadzibu Ciundziavickich
Ciapier čytajuć
Adciskańni z tatam, uroki z mamaj. Jak žyvie i vučycca siamja Sieviaryncaŭ u Vilni6
Kamientary