U Žytkavičach Alena i Jaŭhien zarehistravali šlub prosta ŭ siabie doma: abstaviny vymusili admovicca ad zvykłaj cyrymonii ŭ ZAHSie, piša Onliner.by.
Dla pary hety dzień staŭ asabliva važnym: jany nie tolki aformili status muža i žonki, ale i niadaŭna ŭpieršyniu stali baćkami — u ich naradziłasia dačka Kaciaryna.
Pieršapačatkova Alena płanavała tradycyjnaje viasielle, adnak zimoj atrymała składany pierałom nahi. Z-za traŭmy, jakaja patrabuje našeńnia hipsu, maładyja nie paśpieli raśpisacca da naradžeńnia dziciaci. U vyniku šlub zarehistravali praz try dni paśla vypiski z raddoma.
Niahledziačy na damašni farmat, cyrymonija prajšła z zachavańniem usich tradycyj: z uračystaj pramovaj, abmienam kolcami i vinšavańniami haściej. Rabotniki zahsa dapamahli arhanizavać praces i ŭručyli maładym pamiatnyja vokładki dla dakumientaŭ.
Ciapier spraŭlacca z bytavymi kłopatami Alenie dapamahajuć muž i baćki.
Jak adznačajuć śpiecyjalisty, rehistracyja šlubu doma ŭ Biełarusi mahčyma, ale tolki pry najaŭnaści pavažlivych pryčyn, paćvierdžanych dakumientalna: naprykład, z-za chvaroby abo abmiežavanaj ruchomaści. Rašeńnie prymajecca zahsam pa miescy žycharstva, a sama pracedura apłačvajecca jak standartnaj dziaržpošlinaj, tak i dadatkovaj pasłuhaj.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki26
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary