Ci mohuć pa kamierach na zapraŭkach pravieryć techahlad i aštrafavać?
Adkazali na «Biełarusnafcie».
Što mohuć fiksavać kamiery na zapraŭkach? Siarhiej Kamornikaŭ, namieśnik hiendyrektara «Biełarusnafty» pa zabieśpiačeńni vuhlevadarodnaj syravinaj i realizacyi pradukcyi, patłumačyŭ av.by, što ŭ ich na AZS staić unutranaja sistema videanazirańnia, jakaja pryznačana dla padtrymańnia paradku na terytoryi stancyi.
«Adnak pytańniami pravaparušeńniaŭ zajmajucca orhany ŭnutranych spraŭ, u ich svaje mietady i ŭłasnyja kamiery, jakija nie padklučany da našaj sistemy videanazirańnia», — kaža jon.
«Našy kamiery bačać tolki terytoryju AZS i słužać dla zabieśpiačeńnia paradku, a nie dla fiksacyi pravaparušeńniaŭ u pravavym sensie».
Kamiery, jakija stavić zapraŭka, nie mohuć skanavać najaŭnaść techahladu.
«U respublicy dziejničaje asobnaja sistema manitorynhu hramadskaj biaśpieki, jakuju ŭstaloŭvaje Ministerstva ŭnutranych spraŭ. Mienavita jano vykarystoŭvaje śpiecyjalnyja kamiery dla fiksacyi roznych parušeńniaŭ. Naša ž sistema videanazirańnia pryznačana vyklučna dla ŭnutranaha kantrolu i zabieśpiačeńnia paradku na aŭtazapravačnaj stancyi», — adznačyŭ Kamornikaŭ.
Kamientary