Na pasadu hałoŭnaha režysiora biełaruskaj opiery pryznačany rasijski režysior Michaił Pandžavidze, paviedamili ŭ Nacyjanalnym akademičnym Vialikim teatry opiery i baleta Biełarusi.
Zaprašeńnie pracavać u biełaruskaj opiery Pandžavidze atrymaŭ ad kiraŭnictva teatra padčas pastanoŭki opiery «Nabuka» Džuziepie Vierdzi. Premjera śpiektakla ŭ Minsku prajšła 20 i 21 sakavika. Adnačasova razhladalisia i inšyja kandydatury.
Pasada hałoŭnaha režysiora teatra opiery i baleta stała volnaj paśla taho, jak u studzieni minułaha hoda ab pakidańni pasady dyrektara i mastackaha kiraŭnika teatra baleta abviaściŭ Valancin Jelizarjeŭ. Uśled za im teatr pakinuła jaho žonka Marharyta Izvorska‑Jelizarjeva — kiraŭnik teatra opiery. Pryčynaj dla ich adstavak pasłužyła toje, što pry źlićci teatraŭ opiery i baleta Jelizarjevu prapanavali pasadu mastackaha kiraŭnika baletnaj trupy, a nie kiraŭnika teatra.
Pavodle infarmacyi aficyjnaha sajta Nacyjanalnaha akademičnaha Vialikaha teatra opiery i baleta Biełarusi, Michaił Pandžavidze naradziŭsia ŭ 1969 hodzie. Skončyŭ fakultet muzyčnaha teatra i aśpiranturu Rasijskaj akademii teatralnych mastactvaŭ (HITIS). Z 2001 hoda — kiraŭnik režysiorskaj hrupy Vialikaha teatra Rasii. Režysior‑pastanoŭščyk bolš jak 20 śpiektaklaŭ u teatrach opiery i baleta Tatarstana, Novasibirska, Mahnitahorska, Jekaciarynburha, Astrachanskim dziaržaŭnym muzyčnym teatry, Nacyjanalnym teatry Maroka.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary