Zaraz dla atrymańnia pašparta pa ŭzroście da 27 hadoŭ zapatrabujuć daviedku z vajenkamata
Važnaje novaŭviadzieńnie dla tych, chto atrymlivaje abo abmieńvaje pašpart ci paśviedčańnie kiroŭcy, piša «Ekanamičnaja hazieta».
Ciapier pieralik dakumientaŭ, jakija hramadzianin Biełarusi, što dasiahnuŭ 14‑hadovaha ŭzrostu, pavinien padać u Adździeł hramadzianstva i mihracyi (AHiM) dla atrymańnia pašparta, dapoŭnieny daviedkaj z vajskovaha kamisaryjata abo orhana dziaržaŭnaj biaśpieki ab dačynieńni da vajskovaha abaviazku.
Takuju daviedku zapatrabujuć ad usich mužčyn va ŭzroście ad 18 da 27 hadoŭ (za vyklučeńniem tych, chto aformiŭ pastajannaje pražyvańnie za miežami Biełarusi i/abo znachodzicca na pastajannym konsulskim uliku).
Vydavać jaje budzie vajskovy kamisaryjat (jaho adasoblenaje padraździaleńnie) abo orhan dziaržaŭnaj biaśpieki — u zaležnaści ad taho, dzie vajskovaabaviazany staić na ŭliku.
Daviedka vydajecca biaspłatna na praciahu adnaho rabočaha dnia i budzie dziejničać 6 miesiacaŭ. Dla jaje atrymańnia nieabchodna padać vajskovy bilet (paśviedčańnie navabranca) abo inšy dakumient vajskovaha ŭliku, a pry ich adsutnaści — dakumient, jaki zaśviedčvaje asobu, naprykład, pašpart.
Daviedka z vajenkamata taksama spatrebicca pry:
- atrymańni identyfikacyjnaj kartki, u tym liku novaj ID-kartki zamiest stračanaj;
- abmienie zvyčajnaha pašparta i ID-kartki;
- vydačy i abmienie bijamietryčnaha pašparta;
- vydačy i abmienie paśviedčańnia kiroŭcy;
- adnaŭleńni prava kiravańnia aŭtamabilem paśla zakančeńnia terminu pazbaŭleńnia;
- atrymańni dazvołaŭ na nabyćcio cyvilnaj zbroi.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary