Aŭtarka «boskaha Zuraba» rekłamuje syna svajoj siabroŭki z ZŠA: «pracavity, nie razdurany, svoj biznes, svoj dom»
Žančyny pakryŭdzilisia: a dzie fota?
Biełaruskaja błohierka i dyjetołah Iryna Jabłonskaja sprabuje praz Threads znajści žonku dla syna siabroŭki.
«Biełarus, žyvie ŭ ZŠA, Boka-Raton, 32 hady, rost 180 sm, vaha 90 kh. Maje ŭłasny biznes, ułasny dom. Ź vielmi dobraj siamji. Pracavity, nie razbeščany, z dobrym charaktaram. Viedaju jaho ź dziacinstva. Byŭ u adnosinach. Choča siamju i dziaciej», — apisvaje žanicha.
Iryna padkreślivaje: toj biełarus z ZŠA pryncypova choča znajści žonku mienavita z radzimy. Błohierka prapanavała ŭsim zacikaŭlenym dziaŭčatam uzrostu 25‑32 hadoŭ apublikavać u jaje ŭ kamientarach svajo fota i karotki raspovied pra siabie. Abiacaje, što syn siabroŭki sam napiša tym, chto jamu spadabajecca. Nu i kali što, prylacić u Biełaruś znajomicca.
Mienš čym za sutki dopis nabraŭ 150 tysiač prahladaŭ i vyklikaŭ aktyŭnuju dyskusiju. Adzin z najbolš papularnych kamientaroŭ hučyć tak: «Vy prosicie dziaŭčat raźmiaščać svaje fota pad pastom, ale fota samoha kandydata nie publikujecie. Niejki nieraŭnapraŭny vybar atrymlivajecca».
Adsutnaść fota taho samaha biznesmiena z ZŠA Iryna tłumačyć tym, što jon vielmi ścipły. A tym, chto ździŭlajecca, čamu 32‑hadovy mužčyna šukaje žonku praz maminu siabroŭku, adkazvaje: biznesmien vielmi zaniaty, nie chapaje jamu času na asabistaje žyćcio.
Niechta sprabuje namiakać błohiercy: «32 hady, usio jość. Pryhožy, razumny. Iryna, ja vas vielmi lublu, ale ž tam vidavočna jość prablemy». Ale ž jana nie zdajecca i kaža, što prablema tolki ŭ tym, što ŭ ZŠA niama biełarusak, a z amierykankaj toj małady čałaviek budavać adnosiny nie choča.
Ale siarod žartaŭ sustrakajucca i sapraŭdnyja fotazdymki biełaruskich dziaŭčat, jakich nieviadomy žanich nie biantežyć.
U kamientary pryjšli kankurenty ź Biełarusi: «Dziaŭčaty, a što vam taja Amieryka? Jak tolki Amieryka — adrazu hatovyja praź ciotku žanicha šukać? Davajcie tady ja siabru niaviestu znajdu. Karaciej, chłopiec rostam 167 sm, strojny, spartsmien, enierhičny, ułasnaja kvatera ŭ Minsku, 33 hady. Nie žanaty, nie byŭ, dziaciej niama. Dziaŭčaty, padumajcie: lepš kvatera ŭ Minsku, čym niezrazumieła chto ŭ Amierycy».
Iryna Jabłonskaja (raniejšaje proźvišča Kabasakał) u minułym była redaktarkaj časopisu Pingouin. U 2011 hodzie šyroka viadomym staŭ jaje napisany na zamovu artykuł pra pradprymalnika Zuraba Arudžajeva. Jaho ŭsie i pa siońnia pamiatajuć jak «boskaha Zuraba». Hradus pachvały ŭ tym tekście nastolki zaškalvaŭ, što pieratvaryŭ maładoha mužčynu ŭ žyvy miem. Paźniej Iryna, jakaja zakančvała mieduniviersitet, vyrašyła raźvivacca ŭ hetaj śfiery i pačała pracavać jak dyjetołah.
Darečy, u 2023 hodzie błohierka i žonka byłoha futbalista Śviatłana Hleb praz svoj instahram sprabavała znajści niaviestu dla plamieńnika Andreja Sacharava.
Jana abiacała, što samastojna abiare 5 kandydatak na serca lubimaha svajaka. Mierkavałasia, što sam małady čałaviek ubačyć adabranych ciotkaj dziaŭčat tolki padčas ramantyčnaha spatkańnia (ich arhanizacyju Śviatłana taksama źbirałasia ŭziać na siabie).
Ale ž u vyniku Andrej vyrašyŭ samastojna šukać kachańnie. I ŭ jaho heta atrymałasia — naprykancy 2025 hoda Andrej zrabiŭ u kinateatry prapanovu ruki i serca svajoj dziaŭčynie Kaciarynie, jakaja pracuje madellu i dydžejem.
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj
«Užo naźbirała harem z arabaŭ i turkaŭ, ale jaki sens?» Biełaruska pra toje, jak šukaje muža na sajtach znajomstvaŭ
Błohierka narakaje na deficyt chłopcaŭ u Hrodnie
«Sa mnoj usio prosta i biaspłatna». Adšukali biełarusaŭ, jakija, jak Duraŭ, chočuć dzialicca śpiermaj i pakidać šmat naščadkaŭ
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie6
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Istorii kakije chočieš možno napisať.