Łukašenka źjaviŭsia na dziciačym navahodnim śviacie paśla padzieńnia na chakiejnym matčy
Niahledziačy na raściažeńnie myšcaŭ śpiny paśla padzieńnia na chakiei, pra jakoje zajaviła pres-słužba, Alaksandr Łukašenka pakazaŭsia na publicy.
«Kali jość tradycyi, značyć, jość kraina. Značyć, jość niejkaja admietnaść hetaj krainy, — skazaŭ jon, — U nas daŭnym-daŭno naradziłasia vielmi dobraja tradycyja — u hetyja pieradnavahodnija śviaty vitać vas, dzietak, darosłych ludziej, vašych nastaŭnikaŭ, vychavalnikaŭ, baćkoŭ — usich, u kaho jość maleńkija dzietki i chto datyčny da vychavańnia dziaciej. Dobraja tradycyja — vinšavać našych dziaciej, byvać u dziaciej».
26 śniežnia padčas chakiejnaj hulni jaho kamandy sa zbornaj Bresckaj vobłaści tak upaŭ na lod, što trybuny zamierli. Hulec jahonaj družyny Jarasłaŭ Čuprys vypadkova źbiŭ palityka z noh, ale Łukašenka chutka staŭ na nohi
«Zvyčajnaja pracoŭnaja situacyja: bi svaich, kab čužyja bajalisia. Usio ŭ paradku. Adčuvaju siabie dobra, kali nie ličyć raściažeńnia myšcaŭ śpiny. Rychtujusia da nastupnaj hulni», — paviedamiła ad imia Łukašenka jaho pres-słužba viečaram u niadzielu.
Kamientary
2) Pryciahnuć na dziciačaje śviata trybunu dla vystupu - heta ... niejki soram. Jašče b "pryzidyum" pasadzili na scenie :) U kaściumach z halštukami.